Рӯзи 8-уми май миёни неруҳои ҳавоии Ҳиндустон ва Покистон ҷанги ҳавоӣ оғоз шуд. Бар асоси иттилои расонаҳо ин ҷанги ҳавоӣ тӯлонитарин ва бузургтарин ҷанги ҳавоӣ дар миёни ду кишвар аст. Дар ин ҷанги ҳавоӣ беш аз 125 ҳавопаймои ҷангӣ зиёда аз як соат дар ҳаво ҷангиданд.

Расонаҳои навиштанд, ки ҷанги ҳавопаймоҳои низомии Ҳинд ва Покистон дар фазои ду кишвар сурат гирифтааст. Мақомоти низомии Покистон гуфтанд, ки неруҳои ҳавоии ин кишвар 5 ҳавопаймои ҳиндиро сарнагун намуданд. Тибқи иттилоъ, дар сарнагунсозии ҳавопаймоҳои ҳиндӣ нақши ҳавопаймои истеҳсоли муштараки Покистону Чин муассир будааст.

Ёдовар машавем, ки Ҳиндустон рӯзи 6-уми май дар посух ба ҳамлаи террористӣ ба минтақаи Кашмири ин кишвар бо мушак ва ҳавопаймоҳои низомӣ ба маркази хоки Покистон ҳамла кард. Тибқи арзёбии коршиносон дар ин ҳамлаҳои Ҳиндустон оилаи гурӯҳҳои террористӣ кушта шудаанд.

Ҳинд амалиёти низомӣ бар зидди Покистонро замоне оғоз кард, ки гурӯҳҳои террористӣ дар хоки Ҳиндустон – Кашмир ба сайёҳон ҳамла карда, онҳоро куштанд. Нерандра Модӣ дар пайи ин иқдом эълон кард, ки артиши Ҳинд ба махфигоҳи террористон дар Покистон ҳамла хоҳад кард. Ҳинд Покистонро масъули ҳамлаи террористӣ медонад, вале Покистон инро рад мекунад.

Dialog.tj