Муҳоҷират: самтҳои нави ҳамкории муштарак муайян ва муаррифӣ шуданд
Ҳушдор. Гармӣ ва тӯфони гарду ғубор пешгӯӣ мешавад
Русия блогер Гусейн Гасановро дар кофтукови байналмилалӣ қарор дод
Рақобати шашуми Муҳаммад Наимов дар UFC маълул шуд
30.04.2025 09:16
Табибони Саудӣ дар Тоҷикистон 65 амали ҷарроҳии дили ройгон анҷом медиҳанд
Як гурӯҳи табибон аз Арабистони Саудӣ барои анҷом додани лоиҳаи башардӯстона дар соҳаи ҷарроҳӣ ва катетеризатсияи дил ба шаҳри Душанбе омада, ҷарроҳии дилро барои калонсолон анҷом медиҳанд.
Ин ташаббус аз сӯйи Маркази кумаки башардӯстонаи Подшоҳ Салмон дар ҳамкорӣ бо Лигаи ҷаҳонии мусалмонӣ ва бо пуштибонии Сафорати Арабистони Саудӣ дар Тоҷикистон амалӣ карда мешавад.
Бар асоси иттилои Сафорат, дар доираи ин лоиҳа тақрибан 65 ҷарроҳии муосир, аз ҷумла ҷарроҳиҳои дил дар ҳолати кушод ва амалиёти катетеризатсия гузаронида хоҳад шуд. Ин кумаки тиббӣ ба шаҳрвандони Тоҷикистон, ки ба табобати махсуси бемориҳои дилу рагҳои хунгард сахт ниёз доранд, расонида мешавад.
Рӯзи 28-уми апрел дар беморхонаи ҷумҳуриявии Истиқлол нишасти матбуотӣ баргузор гардид, ки дар он Сафири фавқулода ва мухтори Подшоҳии Арабистони Саудӣ дар Тоҷикистон Валиаҳд ибни Абдураҳмон ар-Ришайдон, муовини вазири тандурустӣ ва ҳифзи иҷтимоии аҳолии Ҷумҳурии Тоҷикистон Ғафур Муҳсинзода, роҳбарияти беморхона ва гурӯҳи табибони Саудӣ бо сарварии ҷарроҳи маъруфи дил, профессор Усмон ал – Усмон иштирок карданд.
Сафири Арабистони Саудӣ дар нишасти матбуотӣ таъкид кард, ки ин рисолат то 6-уми майи соли равон идома хоҳад ёфт.
“Ҳадафи лоиҳа гузаронидани тақрибан 65 амали ҷарроҳии махсус мебошад, аз ҷумла ҷарроҳиҳои дил дар ҳолати кушод ва катетеризатсия, ки дар ҳамкорӣ бо табибони Вазорати тандурустӣ ва ҳифзи иҷтимоии аҳолии Ҷумҳурии Тоҷикистон иҷро мешаванд. Ин ҳамкории ҷарроҳони кишвари мо барои расонидани кумаки ҳаётбахш ба шаҳрвандони Тоҷикистон равона шудааст, ки ба чунин дастгирӣ ниёзи шадид доранд” – афзуд сафири Арабистони Саудӣ.
Муовини вазири тандурустии Тоҷикистон ба Шоҳигарии Арабистони Саудӣ ва гурӯҳи волонтёрони табибон барои кумак, мубодилаи таҷриба ва татбиқи технологияҳои пешрафта дар низоми тиббии кишвар изҳори сипос намуд.
“Мо саҳми табибони Саудиро дар рушди соҳаи ҷарроҳии дил дар Тоҷикистон баланд арзёбӣ мекунем, ки ин ба беҳтар шудани сифати табобат ва кӯтоҳ шудани муҳлати барқароршавии беморон мусоидат мекунад” – гуфт Ғафур Муҳсинзода.
Dialog.tj
Хатти хабарҳо
17.05.2025 08:02
Дар форуми Қазон ҳамкориҳои иқтисодии Русия бо кишварҳои исломӣ баррасӣ шуд
Дар шаҳри Қазони Ҷумҳурии Тотористони Федератсияи Русия маросими ифтитоҳи ботантанаи “Русия – ҷаҳони ислом: Қазонфорум”, ки ҳадафаш тақвияти ҳамкориҳои иқтисодии Русия бо кишварҳои исломӣ аст, баргузор гардид.
17.05.2025 07:56
Мушовири Хоманаӣ: “Мо омодаем ғанисозиро маҳдуд кунем”
Мақоми аршади Ҷумҳурии Исломии Эрон дар суҳбати тозааш гуфт, ки Эрон ба шарти лағви таҳримҳо омодааст, ки ғанисозии уранро канор гузорад.
17.05.2025 05:50
Қазоқистон дар Осиёи Миёна аз рӯйи сифати зиндагӣ дар мақоми аввал қарор гирифт
Маҷаллаи “CEOWORLD” дар арзёбии пажӯҳишии “Human Progress index” (HPI) бар асоси нишондиҳандаҳое чун сифати зиндагӣ, тӯли умр, сатҳи маориф, суботи сиёсӣ, даромади ҳар сари аҳолӣ ва дастрасӣ ба имкониятҳо мақоми кишварҳоро дар раддабандии сифати зиндагӣ муайян кардааст. Тибқи иттилоъ, дар ҳар кишваре, ки ин нишондиҳандаҳо боло бошад, он кишвар дар ҷойи беҳтар қарор мегирад.
16.05.2025 11:20
Меҳрнигори Рустам дар ҷузвдонаш чӣ дорад?
Ҳунарманди шинохтаи тоҷик Меҳрнигори Рустам бо нашри як навор дар саҳифаи Инстаграмаш ба обуначиёнаш нишон дод, ки дар дар ҷузвдонаш чӣ дорад.
16.05.2025 10:20
Санҷиши омодагии ҳайати захираҳои сафарбарӣ дар ноҳияҳои Қубодиён, Панҷ ва Дӯстӣ
Бинобар иттилои маркази матбуот ва иттилооти Вазорати мудофиаи Ҷумҳурии Тоҷикистон бо иштироки роҳбарияти Вазорати мудофиаи кишвар дар ноҳияҳои Қубодиён, Панҷ ва Дӯстии вилояти Хатлон бо даъвати сокинони ҷинси марди аз 18 то 55-сола санҷиши омодагии ҳайати захираҳои сафарбарӣ, қувва ва воситаҳои ҳудудӣ гузаронида шуда истодааст.
16.05.2025 09:59
Муҳоҷират: самтҳои нави ҳамкории муштарак муайян ва муаррифӣ шуданд
Холмаҳмадзода Солеҳа, вазири меҳнат, муҳоҷират ва шуғли аҳолии Ҷумҳурии Тоҷикистон дар доираи иштирок дар Форуми XVI байналмилалии иқтисодии "Русия - ҷаҳони ислом: КАЗАНФОРУМ" бо Ирина Полубарева, директори Департаменти МДХ Маркази шуғли аҳолии шаҳри Қазон дар ноҳияҳои Киров ва Москав вохӯрӣ намуд.
16.05.2025 09:24
Рубио: Дидори Путин ва Трамп ягона шанси ҳалли масъалаи Украина ва Русия аст
Марко Рубио, вазири корҳои хориҷии Иёлоти Муттаҳидаи Амрико таъкид кард, ки ягона шанси ҳалли ҷанги Русия ва Украина мулоқоти рӯ дар рӯи президент Доналд Трамп ва Владимир Путин аст, ки ҳанӯз сана ва вақти баргузор шуданашро намедонад.
16.05.2025 06:06
Шавкат Мирзиёев музди меҳнати директори мактаб ва роҳбарони кӯдакистонҳоро аз 15 то 20 фоиз зиёд мекунад
Президенти Ӯзбекистон Шавкат Мирзиёев таъкид кард, ки аз соли нави таҳсил музди меҳнати директори мактабҳо ва роҳбарони кӯдакистонҳо аз 7 то 10 ҳазор суми ӯзбекӣ хоҳад шуд.
16.05.2025 05:57
Дар Тошканд телефонҳои хонандагонро барои ҳифз аз “ғояҳои бегона ва манфӣ” тафтиш мекунанд
Дар чанд мактаби шаҳри Тошканд кормандони Гвардияи миллӣ ба таври оммавӣ телефонҳои мобилии хонандагони синфҳои 9 ва 10-юмро бе огоҳии пешакӣ тафтиш кардаанд. Бар асоси иттилои хонандагон, ин ҳодиса рӯзи 14-уми май рӯй додааст.
16.05.2025 05:47
Аҳмад Масъуд ва Атомуҳаммади Нур бо даъвати Эрон ба Машҳад рафтаанд
Расонаҳои афғонистонӣ аз қавли манобеи худ навиштаанд, ки Аҳмад Масъуд, роҳбари Ҷабҳаи муқовимати миллии Афғонистон бо даъвати мақомоти эронӣ ба шаҳри Машҳад сафар кардааст. Ин манобеъ гуфтаанд, ки мақомоти эронӣ ҷамъе аз роҳбарони сиёсии Афғонистонро ба Машҳад даъват кардаанд, ки дар миёни онҳо Атомуҳаммади Нур низ ҳузур дорад.
16.05.2025 05:38
Дар Ӯзбекистон гурӯҳи калони “қаллобони ҳаҷ” боздошт шуданд
Мақомоти амниятии Ӯзбекистон дар чандин минтақаи ин кишвар аз кӯшишҳои ғайриқонунӣ фиристодани шаҳрвандон ба сафари ҳаҷ пешгирӣ намуданд.
15.05.2025 15:02
Трамп: “Эрон аз Амири Қатар сипосгузор бошад, ки аз ҳамлаи мо ба Эрон пешгирӣ мекунад”
Президенти Иёлоти Муттаҳидаи Амрико рӯзи панҷшанбе, 15-уми май дар нишасти хабарӣ бо Амири Қатар дар Давҳа - пойтахти Қатар гуфт, ки Вашингтон ва Теҳрон дар ҳоли дастёбӣ ба созишномаи атомӣ ҳастанд.