РУС ТОҶ
16 Июл 2025,
чоршанбе, 01:19, Душанбе
Диалог. Тоҷикистон ва ҷаҳон
РУС ТОҶ
Осиёи Марказӣ
24.04.2025 17:27

Як зани қазоқ барои сафар ба Сурия ва никоҳи духтараш бо террорист маҳкум шуд

Бар асоси иттилои расонаҳои қазоқистонӣ Прокуратураи шаҳри Остона як занро барои паҳн кардани маводи ифротгароёна ва кӯшиши ҳамроҳ шудан ба гурӯҳҳои террористӣ ба муддати тӯлонӣ маҳкум кард.

Мақомот хабар доданд, ки занро кормандони полис дар майдони ҳавоии шаҳри Алмаато дар лаҳзаи кӯшиши парвоз ба Сурия ба воситаи Туркия боздошт кардаанд. Бар асоси ҳукми додгоҳ ин зан аз шабакаи Телеграм барои нашри паёмҳое, ки амалҳои иштирокчиёни низоъҳои мусаллаҳонаи дорои ангезаҳои динӣ ва ифротгароиро таблиғ мекарданд, истифода бурдааст.

Маълум шуд, ки ӯ ният дошт ду духтари ноболиғашро ба Сурия барад ва онҳоро ба никоҳи аъзои ташкилотҳои террористӣ диҳад. Прокурор ба додгоҳ далелҳоеро пешниҳод кард, ки собит месозад, ӯ бо истифода аз шабакаҳои алоқа барои тарғиби терроризм ва омодагӣ ба иштирок дар фаъолияти гурӯҳҳои террористӣ мақсад доштааст.

Бар асоси ҳукми додгоҳ ин зан ба 7 сол зиндон маҳкум гардид. Прокуратураи шаҳри Остона хотиррасон мекунад, ки барои ташкил, роҳбарӣ ва иштирок дар гурӯҳҳои террористӣ ҷазо то 17 сол ҳабс бо мусодираи молу мулкро дар дар бар мегирад.

Барои таблиғи терроризм ё даъвати оммавӣ ба содир кардани амали террористӣ низ ҷазо то 12 сол маҳрум сохтан аз озодӣ бо мусодираи молу мулк муқаррар шудааст.

Қаблан, Кумитаи амнияти миллии Қазоқистон хабар дода буд, ки аз аввали соли равон дар ин кишвар 34 нафар, аз ҷумла ду шаҳрванди хориҷӣ барои таблиғи терроризм маҳкум шудаанд.

Dialog.tj

Хатти хабарҳо

Тарзи зиндагӣ
14.07.2025 10:08

Шоҳин Муродов: “Дар блогинги тоҷик шахсони ҳирфаӣ кам ҳастанд”

Дуруст аст, ки роҳи расидан ба муваффақият ҳамвор нест ва ҳар кас аз ноҳамвориҳои зиёд мегузарад. Илова бар ин, ҳеч кас пешгӯӣ карда наметавонад, ки дар кадом соҳа муваффақ шуда метавонад, зеро бисёриҳоро медонем, ки дар касбу кори тамоман дигар комёб шудаанд. Яке аз чунин касон ҳамсуҳбати мо Шоҳин Муродов мебошад.
Тоҷикистон - Русия
13.07.2025 08:59

И. Усмонов: “Ҳамкорӣ бо Русия агар аз ҳарду тараф софдилона иҷро шавад, ба ҳарду тараф ҳам фоида меорад”

Дар шаҳри Маскав бо ташаббуси мақомоти масъули идеологии Федератсияи Русия, аз ҷумла Дастгоҳи иҷроияи Президенти Русия, Вазорати корҳои хориҷӣ ва як қатор муассисаҳои таҳсилоти олии соҳавӣ, аз ҷумла Донишгоҳи иқтисод ва сиёсати хориҷии ба номи Е.М. Примаков, Форуми байналмилалии илмӣ-коршиносии “Хонишҳои Примаков” баргузор гардид. Дар маросими кушодашавии он, ки рӯзи 23-уми июн баргузор гардид, Юрий Ушаков, ёрдамчии Президенти Федератсияи Русия, муовини Думаи давлатӣ ва Дмитрий Песков, сухангӯи Президенти Русия иштирок ва суханронӣ намуданд. Рӯзи дуюми чорабинӣ Сергей Лавров, вазири корҳои хориҷии Русия суханронӣ кард.
Ҷомеа
12.07.2025 10:26

Меҳрнигори Рустам: “Агар суруди миллиро намедонистам...”

Шоми гузашта дар шабакаҳои иҷтимоӣ як навори кӯтоҳе ба гардиш даромад, ки дар он сарояндаи шинохтаи тоҷик Меҳрнигори Рустам суруди миллиро қироат карда, дар мисраи дуюми он хато мекунад. Дар шарҳи навори мазкур корбарон ҳар гуна суханҳои қабеҳ гуфтанд.
Эрон
12.07.2025 10:21

Ироқчӣ: “Агар Амрико кафолат диҳад, ки ба Эрон ҳамла намешавад, ба музокира бармегардем”

Сайид Аббос Ироқчӣ, вазири корҳои хориҷии Ҷумҳурии Исломии Эрон дар гуфтугӯ бо рӯзномаи “Ле Монд” –и Фаронса гуфт, ки Эрон ҳамеша ба музокирот бар асоси иззат, мантиқ ва эҳтироми мутақобил пойбанд буда. Ӯ дар ин хусус афзуд, ки ҳамеша миёни Эрон ва кишварҳои дигар тамосҳои дипломатӣ ҷараён дорад.
Саноат
12.07.2025 10:07

Эмомалӣ Раҳмон оғози сохтмони корхонаи сурмаи Айниро расман эълон намуданд

Эмомалӣ Раҳмон, президенти Ҷумҳурии Тоҷикистон дар доираи сафари расмӣ ба ноҳияи Айнӣ ба таври маҷозӣ оғози сохтмони корхонаи истихроҷи сурмаи ҶСК “Паҳандра Майнинг”-ро эълон карданд. Дар ин бора дафтари матбуоти президенти Ҷумҳурии Тоҷикистон хабар додааст.
Узбекистон
12.07.2025 09:48

Ӯзбекистон гузориши СММ дар бораи Гулнора Каримоваро беасос номид

Ҳукумати Ӯзбекистон ба изҳороти ахири Гурӯҳи кории Шурои ҳуқуқи башари СММ оид ба боздоштҳои худсарона, ки дар он масъалаи боздошти духтари президенти пешин Ислом Каримов — Гулнора Каримова баррасӣ шуда буд, вокуниш нишон дод.