РУС ТОҶ
16 Июл 2025,
чоршанбе, 01:56, Душанбе
Диалог. Тоҷикистон ва ҷаҳон
РУС ТОҶ
Муноқишаи Русия ва Украина
24.04.2025 12:16

Трамп Зеленскийро ба “халал расондан дар раванди сулҳ” муттаҳам кард

Доналд Трамп, президенти Амрико Владимир Зеленский, президенти Украинаро барои мухолифат ба вогузории нимҷазираи Қрим ба хоки Русия ба халал расонидан дар раванди музокироти сулҳ муттаҳам кард.

Доналд Трамп дар шабакаи иҷтимоии “Truth Social” навишт, ки тафоҳум барои поён додани ҷанги Украина “хеле наздик аст, вале рад намудани шароити пешниҳодии Амрико аз сӯйи Зеленский метавонад боиси тӯл кашидани ҷанг” шавад.

Қаблан муовини президенти Амрико Джеймс Дэвид Вэнс  зимни ишора ба мавқеи Амрико дар хусуси созиши сулҳ дар ҷанги Украина гуфта буд, ки хати сарҳад миёни ду кишвар бар асоси қаламравҳои зери назорат мушаххас карда шавад.

Федератсияи Русия дар соли 2014 қаламрави Қримро ба хоки худ ҳамроҳ намуда буд.

“Ҳар ду бояд бахше аз қаламраверо, ки феълан дар ихтиёр доранд, вогузор намоянд” – таъкид кард Джеймс Дэвид Вэнс.

Владмир Зеленский як рӯз қабл изҳорот дод, ки дар хусуси вогузории қаламрави Қрим бо Русия музокира нахоҳад кард.

Вақте хабарнигорон аз Доналд Трамп дар Кохи Сафед пурсиданд, ки оё қабул мекунад, ки Қрим дар ихтиёри Русия бошад, гуфта буд, ки фақат мехоҳад ҷанг зудтар ба поён расад.

Владимир Путин чанде қабл омодагии худро барои гуфтугӯи мустақим бо Украина барои поёни ҷанг эълон кард. Баъди чандин сол бори нахуст аст, ки президенти Русия музокироти мустақим бо Украина сухан мегӯяд.

Dialog.tj

Хатти хабарҳо

Тарзи зиндагӣ
14.07.2025 10:08

Шоҳин Муродов: “Дар блогинги тоҷик шахсони ҳирфаӣ кам ҳастанд”

Дуруст аст, ки роҳи расидан ба муваффақият ҳамвор нест ва ҳар кас аз ноҳамвориҳои зиёд мегузарад. Илова бар ин, ҳеч кас пешгӯӣ карда наметавонад, ки дар кадом соҳа муваффақ шуда метавонад, зеро бисёриҳоро медонем, ки дар касбу кори тамоман дигар комёб шудаанд. Яке аз чунин касон ҳамсуҳбати мо Шоҳин Муродов мебошад.
Тоҷикистон - Русия
13.07.2025 08:59

И. Усмонов: “Ҳамкорӣ бо Русия агар аз ҳарду тараф софдилона иҷро шавад, ба ҳарду тараф ҳам фоида меорад”

Дар шаҳри Маскав бо ташаббуси мақомоти масъули идеологии Федератсияи Русия, аз ҷумла Дастгоҳи иҷроияи Президенти Русия, Вазорати корҳои хориҷӣ ва як қатор муассисаҳои таҳсилоти олии соҳавӣ, аз ҷумла Донишгоҳи иқтисод ва сиёсати хориҷии ба номи Е.М. Примаков, Форуми байналмилалии илмӣ-коршиносии “Хонишҳои Примаков” баргузор гардид. Дар маросими кушодашавии он, ки рӯзи 23-уми июн баргузор гардид, Юрий Ушаков, ёрдамчии Президенти Федератсияи Русия, муовини Думаи давлатӣ ва Дмитрий Песков, сухангӯи Президенти Русия иштирок ва суханронӣ намуданд. Рӯзи дуюми чорабинӣ Сергей Лавров, вазири корҳои хориҷии Русия суханронӣ кард.
Ҷомеа
12.07.2025 10:26

Меҳрнигори Рустам: “Агар суруди миллиро намедонистам...”

Шоми гузашта дар шабакаҳои иҷтимоӣ як навори кӯтоҳе ба гардиш даромад, ки дар он сарояндаи шинохтаи тоҷик Меҳрнигори Рустам суруди миллиро қироат карда, дар мисраи дуюми он хато мекунад. Дар шарҳи навори мазкур корбарон ҳар гуна суханҳои қабеҳ гуфтанд.
Эрон
12.07.2025 10:21

Ироқчӣ: “Агар Амрико кафолат диҳад, ки ба Эрон ҳамла намешавад, ба музокира бармегардем”

Сайид Аббос Ироқчӣ, вазири корҳои хориҷии Ҷумҳурии Исломии Эрон дар гуфтугӯ бо рӯзномаи “Ле Монд” –и Фаронса гуфт, ки Эрон ҳамеша ба музокирот бар асоси иззат, мантиқ ва эҳтироми мутақобил пойбанд буда. Ӯ дар ин хусус афзуд, ки ҳамеша миёни Эрон ва кишварҳои дигар тамосҳои дипломатӣ ҷараён дорад.
Саноат
12.07.2025 10:07

Эмомалӣ Раҳмон оғози сохтмони корхонаи сурмаи Айниро расман эълон намуданд

Эмомалӣ Раҳмон, президенти Ҷумҳурии Тоҷикистон дар доираи сафари расмӣ ба ноҳияи Айнӣ ба таври маҷозӣ оғози сохтмони корхонаи истихроҷи сурмаи ҶСК “Паҳандра Майнинг”-ро эълон карданд. Дар ин бора дафтари матбуоти президенти Ҷумҳурии Тоҷикистон хабар додааст.
Узбекистон
12.07.2025 09:48

Ӯзбекистон гузориши СММ дар бораи Гулнора Каримоваро беасос номид

Ҳукумати Ӯзбекистон ба изҳороти ахири Гурӯҳи кории Шурои ҳуқуқи башари СММ оид ба боздоштҳои худсарона, ки дар он масъалаи боздошти духтари президенти пешин Ислом Каримов — Гулнора Каримова баррасӣ шуда буд, вокуниш нишон дод.