Дар миёни кишварҳои узви Иттиҳоди Давлатҳои Мустақил, бахусус кишварҳои Осиёи Марказӣ сатҳи бекорӣ дар Тоҷикистон аз ҳама пасттарин арзёбӣ шудааст. Дар ин хусус расонаҳои кишварҳои Осиёи Марказӣ бо такя ба омори Бонки ҷаҳонӣ хабар медиҳанд. Тибқи арзёбиҳои оморӣ Тоҷикистон аз ҷиҳати нишондиҳандаи сатҳи бекорӣ дар қатори кишварҳои Осиёи Марказӣ аз ҳама оқиб аст.

Бар асоси бархе иттилоот сатҳи бекорӣ дар кишвар дар соли 2024 ҳамагӣ 1, 9% -ро ташкил додааст. Аз 2,7 миллион аҳолии қобили меҳнат 98,1 % ба кор ҷалб шудаанд.

Тибқи иттилои мақомот 51 ҳазору 400 нафар расман бекор ҳисобида мешаванад, вале Бонки ҷаҳонӣ бо ин рақамҳо розӣ нест. Бонки ҷаҳонӣ арзёбӣ мекунад, ки сатҳи воқеии бекорӣ дар Тоҷикистон тақрибан 11,5% -ро ташкил медиҳад.

Дар миёни кишварҳои Иттиҳоди Давлатҳои Мустақил аз рӯйи нишондиҳандаҳои оморӣ бекорӣ аз ҳама зиёд дар Арманистон - 13, 2 фоизро ташкил медиҳад. Баъди он Озорбойҷон 5,4 %, Қазоқистон 4,5 %, Ӯзбекистон 4,5%, Туркманистон 4,1%, Беларусия 3%, Русия 2, 3% ва Қирғизистон 2,1 % қарор доранд.

Dialog.tj