Дар шаҳри Тошканд мақомоти Амрико ва Ӯзбекистон дар мулоқоти дуҷониба масъалаи насби мониторҳои радиатсиониро дар сарҳади Ӯзбекистон бо Тоҷикистон ва Қирғизистон баррасӣ намуданд. Ҳадафи насби мониторҳои радиатсионӣ пешгирӣ аз қочоқи маҳсулоти атомӣ гуфта мешавад.

Тибқи иттилоъ, намояндагони Идораи ошкорсозӣ ва пешгирии кочоқи атомии Вазорати энергетикии ИМА барои дидор бо мақомоти Ӯзбекистон ба шаҳри Тошканд омада, дурнамои ҳамкорӣ дар бораи насб кардани дидбонгоҳҳои марзӣ бо мониторингҳои радиатсиониро баррасӣ намуданд.

Ҳоло насб намудани чунин дастгоҳ дар дидбонгоҳҳои Дустлик дар вилояти Андиҷон, Фарғона ва ҳамчунин, дар Институти гумруки Ӯзбекистон идома дошта, то моҳи оянда ба итмом мерасад.

Ҳайати амрикоӣ аз 8 то 12-уми апрел аз майдони ҳавоии Тошканд ва дидбонгоҳҳои Гишткупрук, Навоӣ ва Фарғона боздид менамоянд.

Ёдовар мешавем, ки рӯзи 10-уми феврал Бахтиёр Саидов, вазири корҳои хориҷии Ӯзбекистон бо Марко Рубио, котиби давлатии Иёлоти Муттаҳидаи Амрико мулоқот анҷом дода, дар хусуси қочоқи атомӣ гуфтугӯ намуд. Бахтиёр Саидов ва Марко Рубио масъалаҳои ҳамкориҳои васеъ миёни Тошканд ва Вашингтонро баррасӣ намуданд.

“Мо бо ҳимояти қатъии ИМА аз ислоҳоти ҷорӣ дар Ӯзбекистон баҳои баланд медиҳем. Мо мувофиқа кардем, ки бо идомаи муколама дар сатҳи баланд ва ҳамкориҳои амалӣ дар чорчӯби шарикии стратегӣ робитаҳои дуҷонибаро нигоҳ дорем” – гуфтааст Бахтиёр Саидов.

Dialog.tj