Рӯзномаи британиягии “Сан” дар шумораи рӯзи панҷшанбе, 3-уми апрели соли 2025 хабар дод, ки Амрико ва Исроил барои ҳамлаи низомӣ ба муассисаҳои атомии Эрон омода мешаванд. Ин рӯзнома бо такя ба манобеаш навишт, ки Амрико дар сурати ҳосил нашудани тавофуқ ба Эрон ҳамлаҳои густурда анҷом хоҳад дод.

Ба гузориши рӯзнома, нови ҳавопаймобари “Карл Винсон” ба  зуди вориди обҳои Халиҷи Форс шуда, ба наздики Эрон мерасад. Ин киштӣ дар амалиёти куштани Уссома бин Лодан иштирок дошт ва ҷасади ӯро ба баҳр партофт. Пешбинӣ мешавад, ки киштии "Карл Винсон" то 9-уми апрел ба наздики марзҳои обии Эрон мерасад. Тасвирҳои моҳвораӣ нишон медиҳад, ки ҳадди ақал шаш ҳавопаймои бомбафкани пешрафтаи ВИ-2, ки артиши Амрико 20 адад дар ихтиёр дорад, барои ҳамла ба Эрон ба пойгоҳи Диёго Гарсия интиқол дода шудааст.

Ин таҳаввулот дар ҳоле рух медиҳад, ки музокироти атомии миёни Эрон ва қудратҳои ҷаҳонӣ ба натиҷае нарасидааст ва танишҳо дар минтақа афзоиш меёбад. Президенти Иёлоти Муттаҳидаи Амрико Доналд Трамп Эронро таҳдид намуд, ки дар сурати рад намудани музокироти мустақим дар хусуси барномаи атомии баҳсбарангези худ бо бомбаборони “бесобиқа” рӯ ба рӯ хоҳад шуд.

Dialog.tj