РУС ТОҶ
17 Июл 2025,
панҷшанбе, 23:51, Душанбе
Диалог. Тоҷикистон ва ҷаҳон
РУС ТОҶ
Шарқи Наздик
31.03.2025 14:30

Дар рӯзи Ид ҳамлаҳои Исроил ҷони панҷ кӯдаки фаластиниро гирифт

Дар натиҷаи ҳамлаҳои ҳавоии бераҳмонаи Неруҳои ҳавоии Исроил ба минтақаи Ғазза дар рӯзи Иди саиди Фитр 9 нафар кушта шуданд. Дар миёни кушташудаҳо панҷ нафар кӯдак мебошанд.

Бар асоси иттилои шабакаи “Ал-Ҷазира”-и Қатар кӯдакон дар натиҷаи ҳамлаи  шабона дар рӯзи якшанбе ба ҳалокат расиданд.

Қаблан, ниҳодҳои тандурустии фаластинӣ эълон намуда буданд, ки то поёни рӯзи шанбе 24 фаластинӣ дар ҳамлаҳои артиши ишғолгари Исроил ба шаҳодат расидаанд. Вазорати тандурустии Фаластин дар Ғазза рӯзи шанбе гуфт, ки дар 24 соати гузашта 26 фаластинӣ дар ин минтақа кушта шуда ва 70 нафар маҷрӯҳ шудаанд.

Бар асоси гузоришҳо, аз оғози мавҷи нави ҳамлаҳои ҳавоии Исроил ба Ғазза то ба имрӯз 921 нафар кушта ва 2054 нафар захмӣ шудаанд. Бо афзудани шумори кушташудаҳо ва захмиён, дар маҷмуъ шумораи қурбониёни ҳамлаи Исроил ба Ғазза аз 7-уми октябри соли 2023 то ба имрӯз ба 114095 нафар расидааст.

Dialog.tj

Хатти хабарҳо

Маъориф
17.07.2025 16:15

Давраи мутобиқшавӣ. Синфи якум чӣ гуна имсол ба мактаб меравад?

Тавре ки маркази матбуоти Вазорати маориф ва илми Ҷумҳурии Тоҷикистон хабар медиҳад, имсол хонандагони синфи якум аз 18-ум то 29-уми август ба мактабҳо ҷалб шуда, аз давраи мутобиқшавӣ мегузаранд.
Иқтисод
17.07.2025 15:38

Тоҷикистон ва Амороти Муттаҳидаи Арабӣ ҳамкориҳои иқтисодӣ ва сармоягузориро баррасӣ карданд

Завқизода Завқӣ, вазири рушди иқтисод ва савдои Ҷумҳурии Тоҷикистон рӯзи 16-уми июл бо Абдулло ибни Тавқ Ал-Маррӣ, вазири иқтисод ва сайёҳии Аморати Муттаҳидаи Араб мулоқот анҷом дод. Дар ин мулоқот, ки дар доираи густариши робитаҳои дуҷониба доир шуд, ҷонибҳо масоили рушди ҳамкориҳои иқтисодӣ ва ҷалби сармоягузорӣ миёни ду кишварро баррасӣ карданд.
Эрон
17.07.2025 13:41

Хоманаӣ: "Эрон аз Амрико наметарсад ва онро ба тарс водор кардааст"

Оятуллоҳ Хоманаӣ, роҳбари олии Эрон дар мулоқот бо раиси Суди олии Эрон ва масъулони аршади низоми судии ин кишвар доир ба ҷанги таҳмилии ахир ва ноком шудани ҳисобу нақшаҳои таҷовузкорон ба ваҳдати бузурги миллати Эрон ишора намуда, таъкид кард, ки вазифаи ҳамаи афрод ҳифзи ваҳдати миллӣ аст.
Вилояти Суғд
17.07.2025 11:47

Ифтитоҳи 84 корхонаи нав дар вилояти Суғд. 536 ҷойи нави корӣ таъсис ёфт

Ба истиқболи ҷашни 35-солагии Истиқлоли давлатии Ҷумҳурии Тоҷикистон дар вилояти Суғд дар шашмоҳаи аввали соли 2025 84 корхонаи нави истеҳсолӣ ба истифода дода шуд. Бар асоси иттилои мақомоти вилояти Суғд, бо фаъол гардидани ин корхона 536 ҷойи нави корӣ таъсис ёфтааст.
Шарқи Наздик
17.07.2025 10:55

Исроил Ситоди артиши Сурияро бомбаборон кард

Шаби гузашта Неруҳои ҳавоии Исроил яксилсила зарбаҳои ҳавоиро бо мақсадҳои мухталиф дар қаламрави Сурия, аз ҷумла ба бинои Ситоди генералии артиши Сурия дар маркази шаҳри Димишқ анҷом доданд. Тибқи иттилои расонаҳои исроиливу суриягӣ лаҳзаи як таркиш дар пахши мустақими телевизиони давлатии Сурия сабт шудааст. Таркиши шадид дар маркази пойтахти Сурия дар навор дида мешавад.
Сиёсати хориҷӣ
17.07.2025 09:24

Сироҷиддин Муҳриддин дар ҷаласаи Созмони ҳамкории Шанхай ширкат намуд

Рӯзҳои 14-15-уми июли соли 2025 Вазири корҳои хориҷии Ҷумҳурии Тоҷикистон Сироҷиддин Муҳриддин дар ҷаласаи Шурои вазирони корҳои хориҷии кишварҳои аъзои Созмони ҳамкории Шанхай, ки дар шаҳри Тянҷини Ҷумҳурии Мардумии Чин доир гардид, иштирок намуд. Дар ин бора хадамоти матбуоти Вазорати корҳои хориҷии Тоҷикистон хабар медиҳад.