Шавкат Мирзиёев, президенти Ӯзбекистон дастур дод, ки 1155 – солагии зодрӯзи донишманд ва фақеҳи бузурги Ислом, шогирди Имом Абуҳанифа бошукӯҳ таҷлил карда шавад.

Президенти Ӯзбекистон Шавкат Мирзиёев дастур дод, ки ба муносибати солҷашни Имом Мотрудӣ мақбара ва маҷмааи ӯ бозсозӣ шавад.

Ба муносибати солҷашни донишманд ва фақеҳи олами ислом Имом Мотрудӣ ҳукумати Ӯзбекистон чорабиниҳои мухталиферо барои омӯзиши асарҳои дастнависи ӯ дар хориҷ аз кишвар дар назар гирифтааст. Ҳамчунин, дар вилояти Самарқанд – зодгоҳи фақеҳи номии ислом Имом Мотрудӣ намоиши нодиртарин дастнависҳо баргузор мегардад.

Дар доираи бузургдошти Имом Мотрудӣ дар саросари Ӯзбекистон озмуни корҳои илмӣ ва конфронсҳо баргузор мегардад. Ҳамчунин, тарҷумаи академии осори Имом Мотрудӣ таҳия шуда, доир ба рӯзгори ӯ филми ҳуҷҷатӣ сохта мешавад.

Кумитаи тадорукот вазифадор гардидааст, ки дар муддати ду ҳафта барномаи чорабиниҳоро омода намояд. Дар ин хусус, дар қарори президенти Ӯзбекистон махсус таъкид шудааст.

Имом Мотрудӣ яке аз шогирдони номвари Имом Абуҳанифа аст, ки қисми зиёди мусалмонони Осиёи Марказӣ бар асоси фармудаҳои ӯ ба аркони ислом амал мекунанд. Таълимоти “Мотрудия” принсипҳои саховатмандӣ ва эътидолро тарғиб мекунад ва ҷавононро дар руҳияи муҳаббат ба Ватан ва эҳтиром ба арзишҳои милливу умумибашарӣ тарбия менамояд.

Dialog.tj