Майкл Фахрӣ, гузоришгари махсуси Созмони Милали Муттаҳид дар умури озуқаворӣ гуфт, ки маҳрум кардани фаластиниҳо аз кумакҳои башардӯстона аз сӯйи Исроил идомаи ҷиноятҳои ҷангӣ ва ҷиноят бар зидди башарият аст.

Гузоришгари Созмони Милали Муттаҳид дар гузориши худ таъкид кардааст, масъулони исроилие, ки дар ҷинояти гурусна нигоҳ доштани фаластиниён дар минтақаи Ғазза ва содир кардани ҷиноятҳои дигари ҷангӣ даст доранд, бояд ҷазо гиранд.

Дар идомаи сиёсати саркӯбгаронаи Исроил бар зидди мардуми Фаластин, Бенямин Натанёҳу, сарвазири ин кишвар дастури қатъи комили кумакҳои башардӯстона ба Ғазза ва бастани тамоми гузаргоҳҳои ин минтақаро содир кард.

Ин иқдом барои шиддат бахшидан ба блокадаи минтақаи Ғазза сурат мегирад, ки боиси бадтар шудани буҳрони башарӣ дар ин минтақа гардидааст.

Бастани гузаргоҳҳои марзӣ, аз ҷумла гузаргоҳҳои Карм Абу Салим ва Рафаҳ, ки роҳҳои асосии ворид кардани маводи ғизоӣ, доруворӣ ва сӯзишворӣ дар Ғазза аст, боиси камбуди шадиди ниёзҳои аввалия дар ин минтақа шудааст.

Созмонҳои ҳуқуқи башар ва кумакрасон борҳо ҳушдор додаанд, ки иқдомҳои Исроил сокинони Ғаззаро дар остонаи қаҳтӣ қарор дода, дастрасии онҳоро ба ниёзҳои асосӣ аз байн бурдааст.