


Эмомалӣ Раҳмон: “Тоҷикистон барои рушди иқтисоди сабз ва ҳамкории озод дар минтақа омода аст”

Эмомалӣ Раҳмон ва Илҳом Алиев дар Ханкендӣ оид ба масоили густариши ҳамкориҳо гуфтугӯ намуданд

100 миллион доллар барои Роғун. Мулоқоти Эмомалӣ Раҳмон бо Абдурраҳмон ал-Маршад

Дар маҷлиси Ҳукумат стратегияи ҷалби сармоягузорӣ то соли 2040 баррасӣ шуд
Эмомалӣ Раҳмон дар Бишкек созишномаҳои сарҳадӣ ва дигар ҳуҷҷатҳоро имзо мекунад
Президенти Ҷумҳурии Тоҷикистон Эмомалӣ Раҳмон рӯзҳои 12-13-уми марти соли ҷорӣ бо сафари расмии дурӯза ба Ҷумҳурии Қирғизистон сафар хоҳанд кард.
Дар ин сафар Эмомалӣ Раҳмон бо Содир Ҷабборов ба дигар мақомоти олии ин кишвар мулоқот ва гуфтугӯ менамоянд.
Бар асоси иттилоъ, дар ҷараёни сафар Эмомалӣ Раҳмон бо Содир Ҷабборов созишнома оид ба сарҳади давлатӣ ва дигар ҳуҷҷатҳо дар робита ба оғози ҳамкориҳои дуҷониба миёни ду кишварро имзо хоҳанд кард. Дар ин хусус Муратбек Азимов, роҳбари сиёсати хориҷии ҳукумати Қирғизистон хабар дода, чунин таъкид намудааст: “Дар доираи сафари расмӣ чорабиниҳои расмӣ ва мулоқотҳои дуҷониба бо президенти Қирғизистон Содир Ҷабборов, раиси парлумони Қирғизистон Нурланбек Тургунбекуғлу ва сарвазир Адилбек Қасималиев дар назар дошта шудааст”.
Расонаҳои қирғизистонӣ навиштанд, ки дар доираи ин сафар Эмомалӣ Раҳмон ва Содир Ҷабборов дар хусуси созишномаҳои сарҳадӣ ва оғози марҳилаи нави ҳамкориҳо миёни ду кишвар изҳороти муштарак медиҳанд.
Раиси шаҳри Бишкек хабар дод, ки дар доираи сафари президенти Тоҷикистон дар боғча ва мактабҳои шаҳри Бишкек рӯзҳои 12-13-уми март омӯзишҳо ба формати онлайн мегузаранд. Масъулони соҳаи маорифи ин кишвар аз волидайн хоҳиш намуданд, ки вазъияти ҷориро риоя намоянд.
Ҳамчунин, ба муносибати сафари кории президенти Тоҷикистон ба Қирғизистон дар шаҳри Бишкек ва баъзе аз кӯчаҳои вилояти Чуй рӯзҳои 12-13-уми март маҳдудияти муваққатӣ ҷорӣ хоҳад шуд.
Dialog.tj
Хатти хабарҳо
Вазири собиқи Афғонистон: “Ба расмият шинохтани Толибон аз ҷониби Русия “бозии амниятмеҳвар” аст”
Чиниҳо бо лазер ба ҳавопаймои олмонӣ ҳамла карданд
Моҳи сентябр дар Душанбе намоишгоҳи бузурги сайёҳӣ бо иштироки 200 ширкати сайёҳӣ баргузор мегардад
Ранги сабзу сурх. Кай натиҷаи озмуни тақсимоти асосии довталабон маълум мегардад?
