Расонаҳои Ҷумҳурии Исломии Эрон навиштанд, ки рӯзи сешанбеи соли равон дар як иқдоми муштарак размоиши низомии Ҷумҳурии Исломии Эрон, Ҷумҳурии халқии Чин ва Федератсияи Русия дар Чобаҳор ва уқёнуси Ҳинд размоиши низомии дарёӣ баргузор мекунанд.

Эрон гуфтааст, ки ҳадафи баргузор намудани размоиши низомии дарёӣ дар уқёнуси Ҳинд ва Чобаҳор муборизаи муштарак барои тақвияти амнияти тиҷорати байналмилалӣ, мубориза бар зидди дуздии дарёиву терроризм, иқдомҳои башардӯстона, табдил намудани иттилоот ва таҷрибаҳои низомӣ дар бахши наҷоти дарёӣ аст.

Дар ҷараёни размоиши низомӣ кишварҳои Озарбойҷон, Африқои Ҷанубӣ, Уммон, Қазоқистон, Покистон, Қатар, Ироқ, Иморот ва Шри-Ланка ҳамчун нозир иштирок хоҳанд кард.

Ёдовар мешавем, ки соли гузашта низ размоиши муштараки Русия, Чин ва Эрон дар ин минтақа баргузор шуда буд.

Гуфта мешавад, ки дар ин размоиш неруҳои артиш ва Сипоҳи посдорони Эрон ширкат хоҳанд кард.

Дар солҳои ахир Эрон бо Чину Русия ҳамкориҳои низомии худро афзоиш додааст. Размоиши низомии навбатии ин кишварҳо дар ҳолест, ки Исроил ва Амрико сиёсати таҳрими сахтгиронаро бар зидди Эрон дар пеш гирифтаанд.

Dialog.tj