Эмомалӣ Раҳмон ва Илҳом Алиев дар Ханкендӣ оид ба масоили густариши ҳамкориҳо гуфтугӯ намуданд
100 миллион доллар барои Роғун. Мулоқоти Эмомалӣ Раҳмон бо Абдурраҳмон ал-Маршад
Дар маҷлиси Ҳукумат стратегияи ҷалби сармоягузорӣ то соли 2040 баррасӣ шуд
Сироҷиддин Муҳриддин дар суҳбат бо Аббос Ироқчӣ ҳамлаи Исроилу Амрико ба Эронро маҳкум кард
24.02.2025 11:14
Покистон мехоҳад ҳаҷми содирот ба Тоҷикистонро афзоиш диҳад
Дар мулоқоти сафири Ҷумҳурии Исломии Покистон Муҳаммад Саид Сарвар бо Баҳриддин Сироҷиддинзода, директори Агентии содироти назди Ҳукумати Ҷумҳурии Тоҷикистон масъалаҳои таҳкими ҳамкориҳои дуҷонибаи тиҷоративу иқтисодӣ, афзоиши ҳаҷми содирот ва ҷустуҷӯи роҳҳои нави логистикӣ мавриди баррасӣ қарор гирифт. Дар ин хусус, Агентии содироти назди Ҳукумати Ҷумҳурии Тоҷикистон хабар медиҳад.
Тибқи иттилои агентии мазкур дар соли 2024 гардиши савдои дуҷониба миёни Тоҷикистон ва Покистон ба 58 миллион доллар расид, ки нисбат ба соли 2023 10,1 фоиз зиёд мебошад.
Тоҷикистон ба Покистон асосан маҳсулоти нассоҷӣ, меваҳои хушк ва алюминий содирот мекунад. Дар муқобил Покистон асосан маҳсулоти сохтмонӣ, доруворӣ ва маҳсулоти кишоварзӣ ворид менамояд.
Зимни мулоқоти дуҷониба ҳарду тараф дар хусуси гуногунсозии содироти маҳсулоти тоҷикӣ, таъсиси маркази муштараки логистикии содиротӣ дар ҳудуди Тоҷикистон ва дастрасии маҳсулоти Тоҷикистон ба бозорҳои байналмилалӣ ба воситаи бандарҳои баҳрии Карочӣ, Гвадар ва Қосими Покистон гуфтугӯ намуданд.
Ҳамчунин, ду ҷониб масъалаҳои бартараф сохтани монеаҳои тиҷоратӣ, беҳтар намудани инфрасохтори нақлиётӣ ва имзои созишномаҳои нав дар заминаи сода намудани содироту воридотро мавриди баррасӣ қарор доданд.
Мақомоти Тоҷикистон ва Покистон дар поёни мулоқоти дуҷониба ба тафоҳум расиданд, ки ҳамкориҳои минбаъда ва тақвияти робитаҳои дуҷониба дар бахши соҳаҳои тиҷорат ва логистикаро густариш диҳанд.
Dialog.tj
Хатти хабарҳо
05.07.2025 14:13
Танҳо як рӯз. Даври дуюми имтиҳонҳои марказонидаи дохилшавӣ баргузор мегардад
Маркази миллии тестии назди Президенти Ҷумҳурии Тоҷикистон рӯзи 13-уми июл даври дуюми имтиҳонҳои марказонидаи дохилшавиро роҳандозӣ мекунад.
05.07.2025 14:06
Дипломати афғонистонӣ мегӯяд Русия бо эътирофи Толибон хатои Шӯравиро такрор мекунад
Дар пасманзари тасмими баҳсбарангези Русия дар хусуси ба расмият шинохтани гурӯҳи террористии Толибон, дипломати кӯҳнакори афғонистонӣ Маҳмуд Сайқал ва намояндаи собиқи ҳукумати Афғонистон дар СММ гуфт, ки Маскав бо ин кор хатои Шуравиро такрор мекунад.
05.07.2025 13:55
“Вашингтон пост”: Ин кор душвор аст. Мақомоти аврупоӣ ба дунболи эҳёи музокироти атомӣ бо Эронанд
Рӯзномаи “Вашингтон пост” дар матолибе фазои дипломатии баъд аз ҳамлаи Амрико ва Исроил ба Эронро мавриди таҳлил қарор дода, менависад, ки барои расидан ба як созиши нави атомӣ бо Эрон зарурат вуҷуд дорад, аммо ҳамлаҳои Амрико фазои дипломатиро вайрон карда, роҳро душвор намудааст.
05.07.2025 13:43
Эмомалӣ Раҳмон дар Озарбойҷон пешниҳод кард, ки бозори ягонаи минтақавии энергетикӣ таъсис дода шавад
Дар шаҳри Ханкендӣ Саммити 17-уми Созмони ҳамкории иқтисодӣ доир гардид, ки яке аз мавзуъҳои асосии ин нишаст амнияти энергетикӣ ва рушди энергетикаи “сабз” мебошад. Дар саммит суханронии Президенти Тоҷикистон Эмомалӣ Раҳмон таваҷҷуҳи зиёдро ҷалб кард, зеро пешниҳод карданд, ки бозори ягонаи минтақавии энергетикӣ дар доираи Созмони ҳамкории иқтисодӣ таъсис дода шавад.
05.07.2025 12:20
Раиси Ситоди артиши Эрон мегӯяд, ҳадафи Исроил ва Амрико нобуд кардани низом ва таҷзияи Эрон буд
Раиси Ситоди кулли Неруҳои мусаллаҳи Эрон Сарлашкар Мӯсавӣ гуфт, ҳадафи душман аз байн бурдани низом дар муддати 48 соат то як ҳафта ва таҷзия кардани Эрон буд, вале миллати Эрон бар онҳо пирӯз гардид.
05.07.2025 11:57
Ато Муҳаммади Нур мегӯяд, қарори Маскав Афғонистонро ба майдони рақобати қудратҳо табдил медиҳад
Ато Муҳаммади Нур, волии собиқи вилояти Балх бо интиқод аз тасмими Русия барои ба расмият шинохтани Толибон гуфт, ки ин иқдом Афғонистонро ба майдони рақобати қудратҳои хориҷӣ табдил дода, ҷангҳои ниёбатиро шидда мебахшад.
05.07.2025 09:47
“Путин нақшаи тамоси телефонӣ бо роҳбарони Толибонро надорад”
Дмитрий Песков, сухангӯи Владимир Путин гуфт, ки президенти Русия нақшаи гуфтугӯи мустақим бо роҳбарони Толибонро дар назар надорад.
05.07.2025 08:41
Эмомалӣ Раҳмон: “Тоҷикистон барои рушди иқтисоди сабз ва ҳамкории озод дар минтақа омода аст”
Эмомалӣ Раҳмон, президенти Ҷумҳурии Тоҷикистон дар ҳамоиши 17-уми Созмони ҳамкории иқтисодӣ, ки дар Ҷумҳурии Озарбойҷон доир шуд, иштирок ва суханронӣ намуданд. Сарвари кишвар дар суханронии худ гуфтанд, ки Тоҷикистон ҳамкории тиҷоратию иқтисодӣ бо кишварҳои аъзои ЭКО-ро самти афзалиятноки сиёсати хориҷии худ меҳисобад.
05.07.2025 08:29
Русия мегӯяд барои мубориза бо терроризм ва қочоқи маводи мухаддир Толибонро ба расмият шинохтааст
Намояндаи хоси президенти Русия дар умури Афғонистон дар изҳори назари нав гуфт, ки Маскав барои мубориза бо ҳузури террористон ва пешгирӣ аз густариши қочоқи маводи мухаддир дар Афғонистон гурӯҳи террористии Толибонро ба расмият шинохт.
05.07.2025 07:21
Вохӯрии Мавсума Муинӣ бо иштирокчиёни Форуми байналмилалии фарҳангӣ - маърифатӣ
Имсол дар 10-умин Форуми байналмилалии фарҳангӣ — маърифатии давлатҳои иштирокчии Ассамблеяи байнипарламентии Иттиҳоди Давлатҳои Мустақил, ки дар шаҳри Мински Ҷумҳурии Беларус доир мегардад, Ҷумҳурии Тоҷикистонро 10 нафар намояндагӣ мекунанд.
04.07.2025 17:46
Дар нимсолаи аввал деҳқонони тоҷик беш аз 500 ҳазор тонна сабзавот ҷамъоварӣ кардаанд
Дар нимсолаи аввали соли ҷорӣ дар ҳаҷми 537 ҳазор тонна маҳсулоти сабзавоти кишоварзӣ ҷамъоварӣ шудааст. Дар ин бора Вазорати кишоварзии Тоҷикистон хабар дода, афзудааст, ки дар миёни маҳсулоти сабзавоти ҷамъоваришуда, дар ҳаҷми аз ҳама зиёд пиёз, 283 ҳазор тонна ҷамъоварӣ гардидааст. Ҳамчунин, сабзӣ 63 ҳазор тонна ва бодиринг 50 ҳазор тонна ҷамъоварӣ шудааст. Ба ҷуз ин, 49 ҳазор тонна помидор ва 31 ҳазор тонна карам ҷамъоварӣ гардидааст.
04.07.2025 17:35
Эмомалӣ Раҳмон ва Илҳом Алиев дар Ханкендӣ оид ба масоили густариши ҳамкориҳо гуфтугӯ намуданд
Имрӯз, 4-уми июн дар шаҳр Ханкендии Ҷумҳурии Озарбойҷон Эмомалӣ Раҳмон, президенти Тоҷикистон бо Илҳом Алиев, президенти Озарбойҷон мулоқоти самимӣ анҷом доданд.