Вакилони қирғиз санаи баргузории интихоботи президентиро тағйир доданд
Халилзод: “Покистон бо баҳонаи депорти муҳоҷирон “ДОИШ”-ро ба Афғонистон мефиристад”
Хушҳолии Трамп аз музокира бо Эрон: “Музокироти хеле хубе доштем”
Ӯзбекистон дар ду соли оянда 2983 микро-неругоҳи барқи обӣ месозад
18.02.2025 14:03
Сергей Лавров ва Марко Рубио музокироти сулҳи Украинаро дар Риёз оғоз карданд
Расонаҳои арабӣ гузориш медиҳанд, ки Сергей Лавров, вазири корҳои хориҷии Федератсияи Русия бо як ҳайат ва Марко Рубио, вазири корҳои хориҷии Иёлоти Муттаҳидаи Амрико бо ҳайатии дигар дар шаҳри Риёзи Арабистони Саудӣ гуфтугӯҳо бар сари оташбас ва сулҳи Украинаро оғоз намуданд.
Сергей Лавров ва Марко Рубио субҳи имрӯз, 18-уми феврал дар қасри “Ал-Дараъия” –и Арабистони Саудӣ оғози раванди сулҳ ва поён додан бар ҷанги Украинаро баррасӣ намуданд.
Тибқи гузориши расонаҳо, ду ҷониб дар ҷараёни музокирот шеваҳои поён додан ба ҷанг ва расидан ба як тафоҳумномаро баҳс хоҳанд кард.
Қабл аз баргузории нахустин нишасти музокироти сулҳ, Сергей Лавров гуфта буд, ки дар музокироти сулҳи Украина фақат намояндагони Русия ва Амрико ширкат хоҳанд кард.
Ба назар мерасад, ки Русия ва Амрико бидуни ҳузури намояндагони Украина ва Иттиҳоди Аврупо масъалаи сулҳи Украинаро баррасӣ мекунанд. Сергей Лавров таъкид кард, ки ширкати Украина ва Иттиҳоди Аврупо дар раванди гуфтугӯҳо фоидае надорад.
Президенти Иёлоти Муттаҳидаи Амрико Доналд Трамп баъди тамоси телефонӣ бо президенти Федератсияи Русия гуфт, ки раванди гуфтугӯ барои поёни ҷанги Украинаро бо Маскав оғоз хоҳад кард. Ӯ ишора намуд, ки гуфтугӯ дар робита ба қазияи Украина сиёсатҳои Амрико дар муқобили Русияро тағйир хоҳад дод.
Бар асоси гузориши расонаҳои украинӣ дар музокирот Украина ширкат намекунад ва аз ин Владимир Зеленский сахт нигарон аст. Владимир Зеленский гуфтааст, ки нигарони онам, дар ғайби Украина масъалаи ҷанг бо Русия ҳал шавад. Ӯ ҳушдор додааст, ки натиҷаҳои ҳосилшуда бидуни ҳузури Украинаро қабул нахоҳад кард.
Шаби гузашта Сергей Лавров, вазири корҳои хориҷаи Русия ва Юрий Ушаков, мушовири умури хориҷии Владимир Путин барои оғози раванди музокирот ба Арабистони Саудӣ сафар карданд.
Мушовири умури хориҷии Владимир Путин Юрий Ушаков гуфта буд, ки музокирот “танҳо дуҷониба” хоҳад буд ва мақомоти Украина дар он ширкат нахоҳанд кард.
“Миссияи асосии ҳайатҳои Русия ва Амрико дар Риёз оғоз намудани одисозии равобит миёни Маскав ва Вашингтон аст” – гуфт Юрий Ушаков.
Dialog.tj
Хатти хабарҳо
23.04.2025 09:56
Тоҷикистон ва Эрон бо ҷиноятҳои муташаккили фаромиллӣ мубориза мекунанд
Вазири корҳои дохилии Ҷумҳурии Исломии Эрон, ки бо як сафари корӣ ба шаҳри Душанбе омад бо Вазири корҳои дохилии Ҷумҳурии Тоҷикистон Рамазон Раҳимзода мулоқот намуд.
23.04.2025 09:20
Як зани узви хонадони подшоҳии Афғонистон ёвари муовини Вазири корҳои хориҷаи Амрико таъйин шуд
Морӣ Кабир Сироҷ Бешопинг, як зани 33-сола аз насли хонаводаи подшоҳии Афғонистон ба ҳайси ёвари муовини Вазири корҳои хориҷии Иёлоти Муттаҳидаи Амрико дар умури Афғонистон таъйин шуд.
23.04.2025 09:08
Эмомалӣ Раҳмон бо Искандар Муъминӣ “таҳдиду хатарҳои замони муосир”-ро баррасӣ карданд
Эмомалӣ Раҳмон, президенти Ҷумҳурии Тоҷикистон бо Искандар Муъминӣ, вазири корҳои дохилии Ҷумҳурии Исломии Эрон масъалаҳои робитаҳои дуҷонибаро баррасӣ карданд.
23.04.2025 08:00
Фолбинзани 65-соларо барои фолбинӣ ва сеҳргарӣ ҷарима карданд
Полиси шаҳри Душанбе як зани 65-соларо ба иттиҳоми ҷодугарӣ ва фолбинӣ боздошт намуда, ҷарима кардааст.
23.04.2025 07:49
Мирзозода ва Эҷеӣ масъалаи Ғазза ва ҳамкориҳои дуҷонибаро баррасӣ карданд
Раиси Суди Олии Ҷумҳурии Тоҷикистон Мирзозода Рустам Пираҳмад дар ҳошияи Нишасти 20-уми роҳбарони низоми судии кишварҳои узви Созмони Ҳамкориҳои Шанхай бо раиси Суди Олии Ҷумҳурии Исломии Эрон Ғуломҳусейн Муҳсинӣ мулоқот намуда, масъалаҳои дуҷонибаи ҳамкорӣ миёни Душанбе ва Теҳронро баррасӣ кард.
22.04.2025 15:18
Вакилони қирғиз санаи баргузории интихоботи президентиро тағйир доданд
Вакилони “Жогорку Кенеш”-и Ҷумҳурии Қирғизистон тағйири қонуни конститутсионӣ “Дар бораи интихоботи президентии Ҷумҳурии Қирғизистон” –ро қабул карданд, ки бар асоси он санаи баргузории интихоботи нави президентӣ мушаххас мешавад.
22.04.2025 14:44
Халилзод: “Покистон бо баҳонаи депорти муҳоҷирон “ДОИШ”-ро ба Афғонистон мефиристад”
Зулмай Халилзод сафири пешини Амрико дар Кобул ва намояндаи махсуси Доналд Трамп дар умури Афғонистон гуфт, ки Покистон эҳтимолан ба баҳонаи ихроҷи муҳоҷирони афғонистонӣ ДОИШ-ро ба Афғонистон мефиристад.
22.04.2025 14:31
Тоҷикистон ва Туркия дар Истамбул масъалаи лағви раводидро баррасӣ карданд
Дар Истамбул – пойтахти Ҷумҳурии Туркия машваратҳои дуҷонибаи консулгарӣ миёни вазоратҳои корҳои хориҷии Ҷумҳурии Тоҷикистон ва Ҷумҳурии Туркия баргузор гардид. Дар ин хусус, дафтари матбуоти Вазорати корҳои хориҷии Ҷумҳурии Тоҷикистон хабар додааст.
22.04.2025 13:53
Хушҳолии Трамп аз музокира бо Эрон: “Музокироти хеле хубе доштем”
Президенти Иёлоти Муттаҳидаи Амрико ду рӯз пас аз даври дуюми музокироти Ҷумҳурии Исломии Эрон ва Иёлоти Муттаҳидаи Амрико, ки дар шаҳри Рим баргузор гардид, музокироти дипломатҳои ду кишварро “хеле хуб” тавсиф кард.
22.04.2025 13:46
Вализода Илҳомиддин муовини нави вазири корҳои дохила таъйин шуд
Эмомалӣ Раҳмон, президенти Ҷумҳурии Тоҷикистон кадрҳои нави ба ниҳодҳои муҳимми Вазорати корҳои дохилии Ҷумҳурии Тоҷикистон таъйиншударо барои суҳбат ба ҳузур пазируфт.
22.04.2025 13:38
Ӯзбекистон дар ду соли оянда 2983 микро-неругоҳи барқи обӣ месозад
Бо мақсади таъмин намудани талаботи рӯзафзуни кишвар бо сарчашмаҳои энергетикӣ ҳамасола як қатор ташаббусҳои муҳим амалӣ карда мешаванд. Дар натиҷаи ин чораҳо дар панҷ соли охир истеҳсоли неруи барқ 30% афзоиш ёфта, ба 81,5 миллиард киловатт-соат расид.
22.04.2025 11:57
Сериали маҳбуби “Пойтахт” бидуни сафар ба Тоҷикистон ва поёни моҷарои хонаводаи тоҷик ба анҷом расид
Сериали маҳбуби эронии “Пойтахт” бидуни сафар ба Тоҷикистон ва хотима ёфтани моҷарои оилаи тоҷик ба анҷом расид. Сарнавишти як хонаводаи тоҷик дар ду қисмати сериали “Пойтахт” намоиш дода шуд ва дар он бозингарони саршиноси тоҷик нақш офариданд.