Президенти Ҷумҳурии Қазоқистон Қосим-Жомарт Токаев дар Форуми ҷавонон “Жана адамдар” (Одамони нав) суханронӣ ва бо иштроккунандагони он мулоқот намуд.

Дар ин хусус Дафтари матбуоти президенти Қизоқистон хабар дода, таъкид кардааст, ки Қосим-Жомарт Токаев нақши фаъолонаи ҷавонон дар ҳаёти иқтисодиву иҷтимоии Қазоқистонро махсусан арзёбӣ кард.

Президенти Қазоқистон бо зикри ташаббусҳои муҳимми ҷавонон афзуда, ки онҳо дар бунёди Қазоқистони шукуфон нақши калидӣ хоҳанд дошт.

Қосим-Жомарт Токаев замони кунуниро марҳилаи тақдирсоз дар таърихи Қазоқистон номида, ҷавононро барои ноил шудан ба ҳадафҳои баланд, аз ҷумла рушди  ватандӯстӣ, эҳтиром ба қонун ва иштироки фаъолона дар ташаббусҳои экологӣ даъват намудааст.

“Қазоқистон бояд ба давлате табдил ёбад, ки на танҳо аз дигарон омӯзад, балки дигарон низ аз он омӯзанд”- гуфт Қосим-Жомарт Токаев.

Президенти Қазоқистон таъкид карда, ки ба иттиҳоди миллӣ, неруи ҷавонон ва иқтидори зеҳнии онҳо бовар дорад ва дар муттаҳидӣ метавон “Қазоқистони одилона” –ро бунёд сохт, то барои дигарон намуна бошад.

Dialog.tj