20 Ноябр 2026,
ҷумъа, 12:43, Душанбе
28.01.2025 16:31

Ифтитоҳи Пажӯҳишгоҳи фарҳангии тоҷикӣ-форсӣ

15 январ дар шаҳри Душанбе Пажӯҳишгоҳи фарҳангии тоҷикӣ-форсӣ ифтитоҳ гардид.

Вазири фарҳанги Ҷумҳурии Тоҷикистон Матлубахон Сатториён иброз кард, ки ифтитоҳи пажӯҳишгоҳ барои ташаккули марҳалаи нави иртиботи илмию фарҳангӣ пояи устувор мегузорад.

– Ифтитоҳи дубораи Пажӯҳишгоҳи фарҳангии тоҷикӣ-форсӣ барои густариши ҳамкории илмии дуҷониба паёми тоза мерасонад. Мо, аҳли фарҳанги ҷумҳурӣ умедворем, ки самти муҳимми идомаи фаъолияти ин муассисаро таҳқиқи муштараки фарҳангии мо ташкил хоҳад дод. Зеро мо аз он қаноатманд ҳастем, ки дар пешниҳоди ҷаҳонишавии ҷашнҳои бузурги ориёии Наврӯзу Меҳргон, Тиргону Сада давлатҳои ба ҳамдигар дӯст ва ҳамзабони Тоҷикистон ва Эрон ҳамраъйӣ намуданд, – гуфт Матлубахон Сатториён.

Зикр шуд, ки фаъолияти пажӯҳишгоҳ дар Ҷумҳурии Тоҷикистон соли 1995 оғоз гардида, қариб 20 сол идома ёфт. Дар давоми фаъолият ин муассиса дар нашри мероси классикӣ, таҳқиқоти адабӣ ва осори илмию адабии бузургони илму адаби тоҷик ва ҳамкории илмию таҳқиқотии муҳаққиқони ҳарду давлат нақши муносиб гузошт. Бо кӯшиши ин пажӯҳишгоҳ маҷмуаҳои ашъори шоирони муосири тоҷик Низом Қосим, Фарзона, Гулрухсор, Саидалӣ Маъмур, Доро Наҷот ва дигарон ба хати форсӣ нашр гаштанд. Ин муассисаи илмӣ дар густариш ва муаррифии мактаби луғатнависии тоҷик саҳми назаррас гузоштааст. Яке аз чунин луғатномаҳо фарҳанги шоир ва фарҳангнигори тоҷик Доро Наҷот мебошад, ки соли 2013 дар ин муассиса ба табъ расид. Муассиса дар таҳқиқи забоншиносӣ низ корҳои назаррасе ба анҷом расонидааст.

– Дар идомаи фаъолияти Пажӯҳишгоҳи фарҳангии тоҷикӣ-форсӣ бовар дорам, ки таҳқиқот доир ба мероси муштарак, тарғиби дастовардҳои адабию фарҳангӣ, таърихӣ ва мусиқии миллатҳо анҷом дода мешавад, – афзуд Вазири фарҳанги Ҷумҳурии Тоҷикистон.

Вазири мероси фарҳангӣ, гардишгарӣ ва саноеи дастии Ҷумҳурии Исломии Эрон Сайид Ризо Солеҳии Амирӣ иброз дошт, ки имрӯз бо ифтитоҳи ин пажӯҳишгоҳ муносибатҳо ва равобити ҳамкории фарҳангии ду давлат бештар мегардад. Ин ҳамкории фарҳангӣ дар оянда барои ду миллат муваффақияти бештар меорад.

Гуфта шуд, ки дар пажӯҳишгоҳ барои муаррифии фарҳанг ва таҳқиқи осори ғаноманди нависандагону шоирони ду давлат дар оянда корҳои илмӣ-таҳқиқотӣ ба анҷом мерасанд. Намояндаи пажӯҳишгоҳ Ҳусейналӣ Раҳимӣ гуфт, ки талош мекунем, дар доираи ҳамкорӣ ҳамоишҳои фарҳангӣ ва омӯзишҳо дар бахши адабиёт ва забоншиносӣ доир намоем.

Номбурда афзуд, яке аз китобҳое, ки солҳои қабл дар ҳамин пажӯҳишгоҳ чоп гардид, китоби Президенти Ҷумҳурии Тоҷикистон муҳтарам Эмомалӣ Раҳмон «Забони миллатҳастии миллат» мебошад. Инчунин ин китоб ба хати форсӣ баргардон ва дар Эрон низ нашр гардидааст.

– Имрӯз дар тамоми дунё муҳимтарин мавзуъ ҳувияти забон аст. Таваҷҷуҳи Сарвари давлати тоҷикон ба ин мавзуъ, навиштани китоб дар ин хусус ва нишон додани хату ҳудуди забони тоҷикӣ кори хеле муҳим аст. Ин китобро мо нашр ва ба ҷомеаи Эрон пешниҳод намудем, – гуфт Ҳусейналӣ Раҳимӣ.

Пажӯҳишгоҳи фарҳангии тоҷикӣ-форсӣ аз чор утоқи корӣ иборат буда, дар он китобҳои нависандагон ва шоирони ду давлат ва он китобҳое, ки ба хати форсӣ баргардон шудаанд, нигоҳдорӣ мешаванд.

Источник: Иттифоқи нависандагони Тоҷикистон

Хатти хабарҳо

20.11.2026 12:04

Хизматчиёни давлатӣ барои таҳсил дар магистратура ба Ҷопон фиристода мешаванд

Имрӯз, 20-уми ноябр бо мақсади ҷалби бештари довталабон ва интихоби номзадҳои болаёқат аз ҳисоби хизматчиёни давлатӣ барои давраи нави таҳсили солҳои 2027-2029 дар зинаи магистратураи донишгоҳҳои Ҷопон, дар доираи Лоиҳаи пешниҳоди стипендияҳо барои омодасозии кадрҳо (Лоиҳаи JDS) дар Вазорати энергетика ва захираҳои оби Ҷумҳурии Тоҷикистон чорабинӣ гардид.
20.11.2026 09:04

Дар 9 моҳ нақшаи даромади буҷети давлатӣ 114,9 фоиз таъмин гардид

Таҳти раёсати муовини якуми раиси Маҷлиси намояндагони Маҷлиси Олии Ҷумҳурии Тоҷикистон Шермуҳаммад Шоҳиён муҳокимаи парламентӣ «Оид ба иҷрои Қонуни Ҷумҳурии Тоҷикистон «Дар бораи Буҷети давлатии Ҷумҳурии Тоҷикистон барои соли 2026» дар 9 моҳи соли 2026» баргузор гардид.
20.11.2026 09:01

Чаро “идеологияи миллӣ” дар паси таблиғоти “диндору бедин” ранг мебозад?

Тоҷикистони имрӯзӣ, ки тақрибан як аср қабл онро кишвари коммунистӣ мешинохтанд, бар асоси идеологияи коммунистӣ ё ба истилоҳи рӯшанфикрони “нав ба исломрасида”-и тоҷик “кишвари атеистӣ” ба ҳайси як давлату миллат дар ҳайати Иттиҳоди Шӯравӣ ташкил карда шуд.
19.11.2026 17:28

Дидори таърихии Трамп, Ҷинпин, Путин ва саволҳои беҷавоб дар бораи Украина

Президенти Иёлоти Муттаҳидаи Амрико, Чин ва Русия дар аввалин нишасти сеҷонибаи “таърихии” худ дар шаҳри Шенҷени Чин масъалаҳои вобаста ба ҷанги Украина, назорати силоҳи атомӣ, амнияти байналмилалӣ ва таъмини бозорҳои ҷаҳонӣ бо захираҳои энергетикиро баррасӣ карданд.
19.11.2026 15:05

Тоҷикистон ташаббуси лоиҳаҳои муштарак барои ҳифзи кӯҳҳо ва чарогоҳҳоро пешниҳод кард

Тоҷикистон бо Қирғизистон ва Ӯзбекистон мехоҳад барои барқарор намудани чарогоҳҳои харобшуда ва ҳифзи экосистемаҳои кӯҳӣ барномаҳои муштарак таҳия кунад. Дар ин барнома таваҷҷуҳи асосӣ ба водии Фарғона ва минтақаҳои кӯҳии атрофи он равона хоҳад шуд.
19.11.2026 15:00

Як сокини маҳаллӣ дар Ӯзбекистон ба гумони додани таълимоти динӣ ба 7 кӯдаки тоҷик боздошт шудааст

Дар вилояти Намангони Ӯзбекистон як сокини маҳаллӣ бо гумони ташкил намудани таълими ғайриқонунии динӣ барои 12 нафар боздошт шудааст. Ҳафт нафари ин кӯдакон аз кишвари Тоҷикистон будаанд. Ин сокини маҳаллӣ барои таълим аз ҳар як кӯдак 100 доллар маблағ мегирифтааст.
19.11.2026 14:54

Вазири қазоқ: Фаъолияти гурӯҳҳои террористӣ дар Афғонистон ва густариши ақидаҳои ифротӣ амнияти Осиёи Марказиро таҳдид мекунанд

Қазоқистон аз ҷомеаи байналмилалӣ хост, ки барои муқобила бо хатарҳои амниятии вобаста ба Афғонистон муттаҳидона чораандешӣ кунанд.
19.11.2026 13:19

СММ: террористон дар Афғонистон ба силоҳҳои тактикӣ дастрасӣ пайдо кардаанд

Гурӯҳҳои террористии фаъол дар хоки Афғонистон ба таҷҳизоти муосири тактикӣ, аз ҷумла паҳбодҳо дастрасӣ пайдо кардаанд. Дар ин бора Александр Зуев, муовини дабири кулли Созмони Милали Муттаҳид оид ба мубориза бо терроризм хабар додааст.