Ҳартси Ҳа-Левӣ, раиси Ситоди кулли артиши Исроил гуфтааст, ки масъулияти шикаст дар оғози ҳамлаи Ҳамос дар 7-уми октябри соли 2023-ро ба уҳда мегирад ва ҳоло вақти он аст, ки истеъфо диҳад.

“Ал-Ҷазира” ба нақл аз сарчашмаҳои худ менависад, раиси Ситоди кулли артиши Исроил Ҳартси Ҳа-Леви гуфтааст, ки вай масъули комили шикаст аз таъмини амнияти шаҳракнишинони яҳудӣ дар ҳодисаи 7-уми октябр аст.

ВАО-и Исроил ба нақл аз Ҳартси Ҳа-Левӣ навиштаанд, ки ӯ ба Вазири дифоъи Исроил иттилоъ додааст, ки 6-уми март ба куллӣ истеъфо хоҳад дод.

“Масъулияти мо муҳофизат аз мардумамон буд ва дар ин амр шикаст хӯрдем ва ман то охири умр масъулияти ин шикастро ба дӯш хоҳам дошт”- гуфтааст Ҳартси Ҳа-Леви.

Раиси Ситоди кулли артиши Исроил иддао кардааст, ки онҳо аксари раҳбарони Ҳизбуллоҳ ва Ҳамосро аз байн бурданд ва тавоноиҳои низомии гурӯҳҳои зикршударо кам карда, 4000 ҳазор неруҳои низомии Ҳизбуллоҳро аз байн бурдаанд.

“Ман тасмими боқӣ мондан дар масъулиятро надорам ва акнун замони муносибе барои гирифтани тасмим аст”- таъкид намудааст вай.

Истеъфои раиси Ситоди кулли артиши Исроил дар ҳолест, ки баъди оғози раванди оташбас миёни Ҳамос ва Исроил чанд вазири кобинаи Бенямин Нетаняҳу низ истеъфо додаанд. Мухолифони Бенямин Нетаняҳу гуфтаанд, ки замони истеъфои комили ҳукумати сарвазир фаро расидааст.

Истеъфои раиси Ситоди кулли артиши Исроил дар ҳоле сурат мегирад, ки чанд рӯз қабл оташбас миёни Ҳамос ва Исроил бар минтақаи Ғаза барқарор шуд.

Дар пайи оғоз шудани раванди оташбас дар минтақаи Ғаза баъзе аз мансабдорони ҳукумати Бенямин Нетаняҳу аз мақомҳои худ истеъфо доданд.

Раиси Ситоди кулли артиши Исроил ба Вазири дифоъи ин кишвар иттилоъ додааст, ки дар 6-уми март соли ҷорӣ истеъфо хоҳад дод. Дар ин хусус ВАО –и исроилӣ низ гузориш нашр карданд.

Dialog.tj