Раиси Ситоди артиши Эрон мегӯяд, ҳадафи Исроил ва Амрико нобуд кардани низом ва таҷзияи Эрон буд
Ато Муҳаммади Нур мегӯяд, қарори Маскав Афғонистонро ба майдони рақобати қудратҳо табдил медиҳад
“Путин нақшаи тамоси телефонӣ бо роҳбарони Толибонро надорад”
Русия мегӯяд барои мубориза бо терроризм ва қочоқи маводи мухаддир Толибонро ба расмият шинохтааст
03.12.2024 12:49
Низоми раводид миёни Ӯзбекистон ва Чин бекор карда шуд
Чин ва Ӯзбекистон зимни имзои созишнома низоми раводидро бекор карданд. Бахтиёр Саидов, вазири корҳои хориҷии Ӯзбекистон ва Ван И, вазири корҳои хориҷии Чин созишномаи бекор намудани низоми раводид миёни ду кишварро имзо карданд. Тибқи ин низом акнун шаҳрвандони ҳар ду кишвар метавонанд бидуни раводид ба муҳлати 30 рӯз сафар кунанд.
Вазорати корҳои хориҷии Ӯзбекистон дар шарҳи созишнома гуфтааст, ки тибқи он шаҳрвандон барои вуруду хуруҷ ё транзит аз қаламрави ду кишвар ба муддати то 30 рӯз аз гирифтани раводид озод мешаванд.
Созишномаи бекор намудани низоми раводид миёни ду кишвар пас аз анҷоми расмиёти давлатӣ ҳукми қонунӣ пайдо мекунад. Расмиёти давлатӣ он аст, ки бояд созишнома аз ҷониби ҳукуматҳои ин ду кишвар тасдиқ шавад.
Dialog.tj
Хатти хабарҳо
05.07.2025 14:13
Танҳо як рӯз. Даври дуюми имтиҳонҳои марказонидаи дохилшавӣ баргузор мегардад
Маркази миллии тестии назди Президенти Ҷумҳурии Тоҷикистон рӯзи 13-уми июл даври дуюми имтиҳонҳои марказонидаи дохилшавиро роҳандозӣ мекунад.
05.07.2025 14:06
Дипломати афғонистонӣ мегӯяд Русия бо эътирофи Толибон хатои Шӯравиро такрор мекунад
Дар пасманзари тасмими баҳсбарангези Русия дар хусуси ба расмият шинохтани гурӯҳи террористии Толибон, дипломати кӯҳнакори афғонистонӣ Маҳмуд Сайқал ва намояндаи собиқи ҳукумати Афғонистон дар СММ гуфт, ки Маскав бо ин кор хатои Шуравиро такрор мекунад.
05.07.2025 13:55
“Вашингтон пост”: Ин кор душвор аст. Мақомоти аврупоӣ ба дунболи эҳёи музокироти атомӣ бо Эронанд
Рӯзномаи “Вашингтон пост” дар матолибе фазои дипломатии баъд аз ҳамлаи Амрико ва Исроил ба Эронро мавриди таҳлил қарор дода, менависад, ки барои расидан ба як созиши нави атомӣ бо Эрон зарурат вуҷуд дорад, аммо ҳамлаҳои Амрико фазои дипломатиро вайрон карда, роҳро душвор намудааст.
05.07.2025 13:43
Эмомалӣ Раҳмон дар Озарбойҷон пешниҳод кард, ки бозори ягонаи минтақавии энергетикӣ таъсис дода шавад
Дар шаҳри Ханкендӣ Саммити 17-уми Созмони ҳамкории иқтисодӣ доир гардид, ки яке аз мавзуъҳои асосии ин нишаст амнияти энергетикӣ ва рушди энергетикаи “сабз” мебошад. Дар саммит суханронии Президенти Тоҷикистон Эмомалӣ Раҳмон таваҷҷуҳи зиёдро ҷалб кард, зеро пешниҳод карданд, ки бозори ягонаи минтақавии энергетикӣ дар доираи Созмони ҳамкории иқтисодӣ таъсис дода шавад.
05.07.2025 12:20
Раиси Ситоди артиши Эрон мегӯяд, ҳадафи Исроил ва Амрико нобуд кардани низом ва таҷзияи Эрон буд
Раиси Ситоди кулли Неруҳои мусаллаҳи Эрон Сарлашкар Мӯсавӣ гуфт, ҳадафи душман аз байн бурдани низом дар муддати 48 соат то як ҳафта ва таҷзия кардани Эрон буд, вале миллати Эрон бар онҳо пирӯз гардид.
05.07.2025 11:57
Ато Муҳаммади Нур мегӯяд, қарори Маскав Афғонистонро ба майдони рақобати қудратҳо табдил медиҳад
Ато Муҳаммади Нур, волии собиқи вилояти Балх бо интиқод аз тасмими Русия барои ба расмият шинохтани Толибон гуфт, ки ин иқдом Афғонистонро ба майдони рақобати қудратҳои хориҷӣ табдил дода, ҷангҳои ниёбатиро шидда мебахшад.
05.07.2025 09:47
“Путин нақшаи тамоси телефонӣ бо роҳбарони Толибонро надорад”
Дмитрий Песков, сухангӯи Владимир Путин гуфт, ки президенти Русия нақшаи гуфтугӯи мустақим бо роҳбарони Толибонро дар назар надорад.
05.07.2025 08:41
Эмомалӣ Раҳмон: “Тоҷикистон барои рушди иқтисоди сабз ва ҳамкории озод дар минтақа омода аст”
Эмомалӣ Раҳмон, президенти Ҷумҳурии Тоҷикистон дар ҳамоиши 17-уми Созмони ҳамкории иқтисодӣ, ки дар Ҷумҳурии Озарбойҷон доир шуд, иштирок ва суханронӣ намуданд. Сарвари кишвар дар суханронии худ гуфтанд, ки Тоҷикистон ҳамкории тиҷоратию иқтисодӣ бо кишварҳои аъзои ЭКО-ро самти афзалиятноки сиёсати хориҷии худ меҳисобад.
05.07.2025 08:29
Русия мегӯяд барои мубориза бо терроризм ва қочоқи маводи мухаддир Толибонро ба расмият шинохтааст
Намояндаи хоси президенти Русия дар умури Афғонистон дар изҳори назари нав гуфт, ки Маскав барои мубориза бо ҳузури террористон ва пешгирӣ аз густариши қочоқи маводи мухаддир дар Афғонистон гурӯҳи террористии Толибонро ба расмият шинохт.
05.07.2025 07:21
Вохӯрии Мавсума Муинӣ бо иштирокчиёни Форуми байналмилалии фарҳангӣ - маърифатӣ
Имсол дар 10-умин Форуми байналмилалии фарҳангӣ — маърифатии давлатҳои иштирокчии Ассамблеяи байнипарламентии Иттиҳоди Давлатҳои Мустақил, ки дар шаҳри Мински Ҷумҳурии Беларус доир мегардад, Ҷумҳурии Тоҷикистонро 10 нафар намояндагӣ мекунанд.
04.07.2025 17:46
Дар нимсолаи аввал деҳқонони тоҷик беш аз 500 ҳазор тонна сабзавот ҷамъоварӣ кардаанд
Дар нимсолаи аввали соли ҷорӣ дар ҳаҷми 537 ҳазор тонна маҳсулоти сабзавоти кишоварзӣ ҷамъоварӣ шудааст. Дар ин бора Вазорати кишоварзии Тоҷикистон хабар дода, афзудааст, ки дар миёни маҳсулоти сабзавоти ҷамъоваришуда, дар ҳаҷми аз ҳама зиёд пиёз, 283 ҳазор тонна ҷамъоварӣ гардидааст. Ҳамчунин, сабзӣ 63 ҳазор тонна ва бодиринг 50 ҳазор тонна ҷамъоварӣ шудааст. Ба ҷуз ин, 49 ҳазор тонна помидор ва 31 ҳазор тонна карам ҷамъоварӣ гардидааст.
04.07.2025 17:35
Эмомалӣ Раҳмон ва Илҳом Алиев дар Ханкендӣ оид ба масоили густариши ҳамкориҳо гуфтугӯ намуданд
Имрӯз, 4-уми июн дар шаҳр Ханкендии Ҷумҳурии Озарбойҷон Эмомалӣ Раҳмон, президенти Тоҷикистон бо Илҳом Алиев, президенти Озарбойҷон мулоқоти самимӣ анҷом доданд.