РУС ТОҶ
16 Июл 2025,
чоршанбе, 02:16, Душанбе
Диалог. Тоҷикистон ва ҷаҳон
РУС ТОҶ
Осиёи Марказӣ
21.11.2024 09:21

Шавкат Мирзиёев пешниҳод кард, сафар ба Ӯзбекистону Тоҷикистон бе шиносномаи хориҷӣ имконпазир гардад

Шавкат Мирзиёев, президенти Ӯзбекистон зимни суханронӣ дар Маҷлиси Олии Ӯзбекистон пешниҳод намуд, ки барои рафтуомади осони шаҳрвандон бо кишварҳои Осиёи Марказӣ, аз ҷумла Тоҷикистон низоми сафар бо корти ID (шиносномаи дохилӣ) ба роҳ монда шавад.

Низоми сафар бо корти ID аллакай байни Ӯзбекистон бо Қирғизистон амал мекунад. Дар ин хусус Дафтари матбуоти парлумони Ӯзбекистон – Маҷлиси Олӣ хабар дод.

Президенти Ӯзбекистон Шавкат Мирзиёев таъкид кард, ки барои рушди ҳаматарафаи кишвар амалӣ намудани сиёсати самараноки хориҷӣ, рушди шарикони наздик ва кишварҳои дӯст, густариши робитаҳои минтақавӣ хеле муҳим аст. Шавкат Мирзиёев афзуда, ки зарурати таҳия ва қабули консепсияи нави сиёсати хориҷӣ ба миён омадааст.

“Таҳкими муносибатҳои неки ҳамсоягии байни кишварҳои Осиёи Марказӣ, таъмини амният ва суботи минтақавӣ самтҳои афзалиятноки сиёсати хориҷӣ боқӣ хоҳанд монд” – таъкид кард президенти Ӯзбекистон.

Дар нақша аст, ки дар соли 2025 нишасти сарони  “Панҷгонаи Осиёи Марказӣ” –Тоҷикистон, Ӯзбекистон, Қазоқистон, Қирғизистон ва Туркманистон дар шаҳри Тошканд багузор шавад ва президент Шавкат Мирзиёев ҳамоиши мазкурро “як қадами муҳимми амалӣ дар ин роҳ” унвон кард.

Шавкат Мирзиёев афзуд, ки “Аз 1-уми сентябр шаҳрвандони Ӯзбекистон метавонанд бо истифода аз ID-корт (ба ҷои шиносномаи хориҷӣ) ба Қирғизистон озодона сафар кунанд, ки дар нақша аст чунин тартиб бо Қазоқистон ва Тоҷикистон низ ҷорӣ карда шавад.”

Dialog.tj

Хатти хабарҳо

Тарзи зиндагӣ
14.07.2025 10:08

Шоҳин Муродов: “Дар блогинги тоҷик шахсони ҳирфаӣ кам ҳастанд”

Дуруст аст, ки роҳи расидан ба муваффақият ҳамвор нест ва ҳар кас аз ноҳамвориҳои зиёд мегузарад. Илова бар ин, ҳеч кас пешгӯӣ карда наметавонад, ки дар кадом соҳа муваффақ шуда метавонад, зеро бисёриҳоро медонем, ки дар касбу кори тамоман дигар комёб шудаанд. Яке аз чунин касон ҳамсуҳбати мо Шоҳин Муродов мебошад.
Тоҷикистон - Русия
13.07.2025 08:59

И. Усмонов: “Ҳамкорӣ бо Русия агар аз ҳарду тараф софдилона иҷро шавад, ба ҳарду тараф ҳам фоида меорад”

Дар шаҳри Маскав бо ташаббуси мақомоти масъули идеологии Федератсияи Русия, аз ҷумла Дастгоҳи иҷроияи Президенти Русия, Вазорати корҳои хориҷӣ ва як қатор муассисаҳои таҳсилоти олии соҳавӣ, аз ҷумла Донишгоҳи иқтисод ва сиёсати хориҷии ба номи Е.М. Примаков, Форуми байналмилалии илмӣ-коршиносии “Хонишҳои Примаков” баргузор гардид. Дар маросими кушодашавии он, ки рӯзи 23-уми июн баргузор гардид, Юрий Ушаков, ёрдамчии Президенти Федератсияи Русия, муовини Думаи давлатӣ ва Дмитрий Песков, сухангӯи Президенти Русия иштирок ва суханронӣ намуданд. Рӯзи дуюми чорабинӣ Сергей Лавров, вазири корҳои хориҷии Русия суханронӣ кард.
Ҷомеа
12.07.2025 10:26

Меҳрнигори Рустам: “Агар суруди миллиро намедонистам...”

Шоми гузашта дар шабакаҳои иҷтимоӣ як навори кӯтоҳе ба гардиш даромад, ки дар он сарояндаи шинохтаи тоҷик Меҳрнигори Рустам суруди миллиро қироат карда, дар мисраи дуюми он хато мекунад. Дар шарҳи навори мазкур корбарон ҳар гуна суханҳои қабеҳ гуфтанд.
Эрон
12.07.2025 10:21

Ироқчӣ: “Агар Амрико кафолат диҳад, ки ба Эрон ҳамла намешавад, ба музокира бармегардем”

Сайид Аббос Ироқчӣ, вазири корҳои хориҷии Ҷумҳурии Исломии Эрон дар гуфтугӯ бо рӯзномаи “Ле Монд” –и Фаронса гуфт, ки Эрон ҳамеша ба музокирот бар асоси иззат, мантиқ ва эҳтироми мутақобил пойбанд буда. Ӯ дар ин хусус афзуд, ки ҳамеша миёни Эрон ва кишварҳои дигар тамосҳои дипломатӣ ҷараён дорад.
Саноат
12.07.2025 10:07

Эмомалӣ Раҳмон оғози сохтмони корхонаи сурмаи Айниро расман эълон намуданд

Эмомалӣ Раҳмон, президенти Ҷумҳурии Тоҷикистон дар доираи сафари расмӣ ба ноҳияи Айнӣ ба таври маҷозӣ оғози сохтмони корхонаи истихроҷи сурмаи ҶСК “Паҳандра Майнинг”-ро эълон карданд. Дар ин бора дафтари матбуоти президенти Ҷумҳурии Тоҷикистон хабар додааст.
Узбекистон
12.07.2025 09:48

Ӯзбекистон гузориши СММ дар бораи Гулнора Каримоваро беасос номид

Ҳукумати Ӯзбекистон ба изҳороти ахири Гурӯҳи кории Шурои ҳуқуқи башари СММ оид ба боздоштҳои худсарона, ки дар он масъалаи боздошти духтари президенти пешин Ислом Каримов — Гулнора Каримова баррасӣ шуда буд, вокуниш нишон дод.