Муҳаммадризо Ориф, муовини президенти Эрон таъкид кард, ки мардуми мазлуми Ғаза ва Лубнон дар шароити нигаронкунанда ба сар мебаранд ва бояд кумакҳои башардӯстона дар ихтиёрашон қарор гирад. Ӯ афзудааст, ки бояд оташбаси шарофатмандонае анҷом гирад.

Муҳаммадризо Ориф ин нуктаро баъди бозгашт аз Нишасти изтирории ғайринавбатии кишварҳои арабию исломӣ дар суҳбат бо расонаҳо баён кардааст. “Ин иҷлосия бо пешниҳоди Эрон баргузор шуд ва хушбахтона, аз он сарони кишварҳои исломӣ ва арабӣ истиқболи хубе доштанд.” – гуфтааст Муҳаммадризо Ориф.

Муовини президенти Эрон баргузор шудани иҷлосияи мазкурро “Дар ин шароити замонӣ муваффақияти бузург барои Ҷумҳурии Исломии Эрон” донистааст.

Муовини президенти Эрон бо таъкид ба ҳамлаҳои ваҳшиёнаи Исроил ба хоки Лубнон ва Ғаза изҳор дошт, ки пешниҳоди ҳамкоронаш дар Вазорати хориҷа дар поёни нишаст мавриди тасвиб қарор гирифт, ки он бурди дипломатии Эрон дониста мешавад.

Ёдовар мешавем, ки чанд рӯз қабл Нишасти изтирории ғайринавбатии кишварҳои арабию исломӣ доир ба мавзӯи Ғаза ва Лубнон доир гашт ва бо тасвиби қатънома поён ёфт. Муҳимтарин нукта дар қатъномаи поёнии нишаст он буд, ки ҳама кишварҳо барасмиятшиносии Исроилро ба таъсиси кишвари Фаластин бар асоси марзҳои солҳои 1967 машрут донистанд.

Dialog.tj