Фурудгоҳи байналмилалии Шоҳ Холид дар пойтахти Арабистони Саудӣ ҳанӯз боз нашудааст ва муҳлати боз шудани он маълум нест. Дар фурудгоҳи байналмилалии Шоҳ Фаҳд дар шаҳри Даммом низ ҳаракати ҳавопаймоҳо дубора қатъ шудааст.

Бар асоси иттилои расонаҳо фурудгоҳи Шоҳ Холид дар шаҳри Риёз баста боқӣ мемонад. Мақомоти авиатсияи граждании Арабистони Саудӣ ва масъулони ин фурудгоҳ идомаи маҳдудиятҳоро тасдиқ кардаанд, вале барои барқарор намудани фаъолияти он ҳанӯз санаи мушаххас муайян нашудааст.

Бар асоси гузориши «Блумберг» ба ширкатҳои ҳавопаймоӣ хабар дода шуд, ки фурудгоҳи Риёзро наметавон ба ҳайси фурудгоҳи эҳтиётӣ дар ҳолатҳои фавқулода истифода кард. Барои анҷом додани ҳар гуна парвоз низ гирифтани иҷозаи пешакӣ зарур мебошад.

Баста мондани фурудгоҳҳо имкони сафари ҳавоӣ ба пойтахти Арабистони Саудиро маҳдуд кардааст.

Дар ин гузориш таҳдид мешавад, идомаи амалиёти низомӣ ва номуайян будани замони лағви маҳдудиятҳои ҳавоӣ боиси халалдор гардидани парвозҳо шудааст.

Dialog.tj