Раёсати Вазорати корҳои дохилӣ дар шаҳри Душанбе аз пешгирии муноқишаи гурӯҳӣ хабар дод.

Манбаъ навиштааст, ки аз ҷониби кормандони самти кор бо ноболиғон ва ҷавонони ШВКД-1 дар ноҳияи Фирдавсӣ бо мусоидати масъулини МТМУ №128-и ноҳияи мазкур муноқишаи гурӯҳӣ байни ноболиғон пешгирӣ карда шуд.

Гуфта мешавад, ки ноболиғон тавассути шабакаҳои иҷтимоӣ бо сабабҳои ночиз бо ҳамдигар баҳс намуда, баъд аз дарс мехостанд  муноқиша кунанд.

"Бо ин мақсад, яке аз ноболиғон аз манзили истиқоматиаш бо худ як адад корд гирифта, ба мактаб бурдааст. Ҳангоми кофтуков аз ҷониби кормандони милитсия корди мазкур аз ноболиғ пайдо карда шуд", - зикр мегардад дар иттилоия.

Тибқи иттилои манбаъ, вобаста ба ин, нисбат ба волидони ноболиғон тибқи моддаи 90 КҲМ Ҷумҳурии Тоҷикистон протоколи маъмурӣ тартиб дода шуда, бо ноболиғон корҳои фаҳмондадиҳӣ гузаронида шуд.

Dialog.tj