Литсеи Дурахшандагони Вазорати корҳои дохилӣ ифтитоҳ гардид
Қазоқистон содироти гандум ба Тоҷикистонро зиёд мекунад
Боздошти шаш ноболиғ: аз хонаи шаҳрвандон пулу ҷавоҳирот ва телефони мобилӣ дуздидаанд
“Суперчемпион”-ҳо аз Тоҷикистон. Дастоварди назарраси хонандагони тоҷик аз Олимпиадаи ҷаҳонӣ
17.09.2026 08:16
Тоҷикистон ва Беларусия барои мубориза бо коррупсия санади нави ҳамкорӣ имзо карданд
Ҷумҳурии Тоҷикистон ва Ҷумҳурии Беларусия бо имзои як тавофуқномаи нав мехоҳанд ҳамкориҳои худ дар мубориза бо коррупсияро густариш диҳанд.
Дар шаҳри Мински Ҷумҳурии Беларусия Султонзода Сулаймон Саид, директори Агентии назорати давлатии молиявӣ ва мубориза бо коррупсияи Ҷумҳурии Тоҷикистон ва Дмитрий Гора, прокурори генералии Беларусия Барномаи ҳамкорӣ барои солҳои 2027-2028-ро, ки ҳадафаш мубориза бо коррупсия аст, ба имзо расонданд.
Ин санади нав рӯзи 16-уми сентябр дар ҷараёни мулоқоти ҳайати расмии Агентии назорати давлатии молиявӣ ва мубориза бо коррупсияи Ҷумҳурии Тоҷикистон ва ҳайати Прокуратураи генералии Ҷумҳурии Беларусия ба имзо расид.
Тибқи иттилоъ, ҳайати Ҷумҳурии Тоҷикистонро генерал-полковники адлия Султонзода Сулаймон Саид роҳбарӣ менамуд. Ҳадафи асосии сафар ширкат дар нишасти навбатии Шурои байнидавлатии муқовимат бо коррупсия буд.
Дар ҷараёни ин сафар ҳайати Тоҷикистон бо прокурори генералии Беларусия ҳамчунин, масоили ҳамкориҳои дуҷонибаро мавриди баррасӣ қарор доданд.
Ҳар ду ҷониб дар бораи густариши ҳамкорӣ барои ошкор намудан ва тафтиши ҷиноятҳои коррупсионӣ, табодули иттилоот ва таҷриби корӣ, ҳамчунин, доир кардани чорабиниҳои муштарак гуфтугӯ карданд.
Натиҷаи асосии мулоқоти ҳайати Тоҷикистон бо ҳайати Беларусия имзои санади “Барномаи ҳамкорӣ дар самти муқовимат бо коррупсия барои солҳои 2027 -2028” буд.
Dialog.tj
Хатти хабарҳо
10.11.2026 11:55
Пешвои миллат: "Фаъолият дар мақомоти корҳои дохилӣ рамзи садоқат ба давлату миллат, эҳтиром ба қонун, ҳимояи сулҳу субот ва қонунияту тартибот мебошад"
Имрӯз, 10-уми ноябр Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар ҷамъомади тантанавӣ ба ифтихори Рӯзи милитсияи тоҷик иштирок ва суханронӣ намуданд.
10.11.2026 11:54
Литсеи Дурахшандагони Вазорати корҳои дохилӣ ифтитоҳ гардид
Имрӯз, 10-уми ноябр Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ва раиси шаҳри Душанбе Рустами Эмомалӣ дар ноҳияи Шоҳмансури пойтахт бинои муассисаи давлатии таълимии литсеи Дурахшандагони Вазорати корҳои дохилии Ҷумҳурии Тоҷикистонро ифтитоҳ намуданд.
10.11.2026 10:06
Қазоқистон содироти гандум ба Тоҷикистонро зиёд мекунад
Ҷумҳурии Тоҷикистон мехоҳад ҳаҷми воридоти гандум аз Қазоқистонро зиёд кунад. Мақомоти ду кишвар барои воридоти гандум ва густариши ҳамкориҳо дар соҳаи кишоварзӣ бо ҳам гуфтугӯ намудаанд. Ин раванд дар ҳоле баррасӣ мешавад, ки Қазоқистон аз ҳоло яке аз таъминкунандагони асосии бозори Тоҷикистон бо ғалладона ба шумор меравад.
10.11.2026 09:58
Боздошти шаш ноболиғ: аз хонаи шаҳрвандон пулу ҷавоҳирот ва телефони мобилӣ дуздидаанд
Мақомоти интизомии пойтахт шаш ноболиғро дастгир кард, ки ба содир намудани ҷинояти дуздӣ гумонбаранд.
10.11.2026 09:57
“Суперчемпион”-ҳо аз Тоҷикистон. Дастоварди назарраси хонандагони тоҷик аз Олимпиадаи ҷаҳонӣ
Тибқи иттилои маркази матбуоти Вазорати маориф ва илми Ҷумҳурии Тоҷикистон, дар шаҳри Остонаи Қазоқистон Олимпиадаи ҷаҳонӣ оид ба арифметикаи зеҳнӣ бо иштироки намояндагони 10 кишвари ҷаҳон баргузор гардид.
10.11.2026 08:37
Тоҷикистон ва Покистон дар Черат машқҳои муштараки низомӣ баргузор намуданд
Машқҳои муштараки низомии Тоҷикистону Покистон дар тамрингоҳи минтақаи Черати Покистон бо номи “Дӯстӣ-III” баргузор шуд. Дар ин тамринҳои зиддитеррористӣ низомиёни ду кишвар табодули таҷриба намуда, такмил додани омодагии ҷангиро тамрин карданд.
10.11.2026 07:31
Ба Тоҷикистон беш аз 1, 5 миллион сайёҳи хориҷӣ омадаанд
Аз Тоҷикистон дар 9 моҳи аввали соли 2026 беш аз 1 миллиону 551 ҳазор сайёҳи хориҷӣ боздид кардаанд. Қисми зиёди сайёҳон аз кишварҳои узви кишварҳои Иттиҳоди давлатҳои мустақил будаанд.
10.11.2026 07:23
Русия барои Тоҷикистон 100 ҳазор тонна сӯзишвории дизелии иловагӣ ҷудо мекунад
Федератсияи Русия барои содирот 100 ҳазор тонна сӯзишвории иловагӣ ба Тоҷикистон ҷудо мекунад. Баъди ин қарор ҳаҷми умумии воридоти сӯзишвории дизелӣ ба Тоҷикистон дар соли 2026 ба 550 ҳазор тонна мерасад.
10.11.2026 06:17
Тоҷикистон низоми идоракунии рақамӣ ва истифодаи ҳуши маснуӣ дар соҳаи энергетикаи Қазоқистонро меомӯзад
Далер Ҷумъа, вазири энергетика ва захираҳои оби Ҷумҳурии Тоҷикистон рӯзи 8-уми ноябр дар ҷараёни мулоқот бо масъулони ширкати милли шабакаҳои барқи Қазоқистон “KEGOC” бо имкониятҳои нави идоракунии шабакаҳои барқӣ, аз ҷумла истифодаи ҳуши маснуӣ дар соҳаи энергетика шинос шудааст.
09.11.2026 15:50
Агентии обуҳавошиносӣ: “Борону барф пешгӯӣ мешавад”
Тибқи иттилои Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон, 10-ум ва 11-уми ноябри соли равон дар қисми зиёди ҳудуди ҷумҳурӣ борону барф пешгӯӣ мешавад.
09.11.2026 15:48
Эмомалӣ Раҳмон: Тоҷикистон ислоҳоти иқтисодӣ ва иҷтимоии Қазоқистонро муҳим арзёбӣ мекунад
Пешвои миллат муҳтарам Эмомалӣ Раҳмон рӯзи 7-уми ноябр дар ҷараёни нишасти матбуотӣ дастовардҳои Қазоқистон дар рушди иқтисодиву иҷтимоӣ ва таҳкими мавқеи байналмилалии ин кишварро муҳим арзёбӣ карданд.
09.11.2026 15:42
Сафири Покистон дар Маскав: Вазъи Афғонистон ба амнияти Тоҷикистон ва кишварҳои минтақа таъсир мерасонад
Файсал Ниёз Тирмизӣ, сафири Покистон дар Русия дар суҳбат бо расонаҳо гуфт, ки вазъияти ноустувори амниятӣ дар Афғонистон монеаи иҷрои лоиҳаҳои пайвасткунии Покистон ба Осиёи Марказӣ ва Эрон мешавад. Сафир таъкид намуд, вазъи Афғонистон ба амнияти Тоҷикистон ва дигар кишварҳои минтақа таъсир мерасонад.