Пешвои миллат бо сафари корӣ ба Ҷумҳурии Арманистон рафтанд
Масъалаи иштироки бахши хусусӣ дар рушди энергетика дар дидори Далер Ҷумъа ва Моаззам Мекан матраҳ гардид
Русия дар шаш ҳафта пойгоҳи бузурги партоби паҳподҳо бунёд кард
Хусрав Нозирӣ бо вазири маорифи Қувайт мулоқот намуд
19.08.2026 14:59
Зиёда аз 6 ҳазор ӯзбекистонӣ соли гузашта барои таҳсил ба Тоҷикистон омадаанд
Тоҷикистон дар соли 2025 дуюмин кишвари маъмул барои шаҳрвандони Ӯзбекистон, ки барои таҳсил ба хориҷ мераванд, пас аз Русия шудааст. Тибқи маълумоти Кумитаи миллии омори Ӯзбекистон, соли гузашта 6 ҳазору 39 шаҳрванди ин кишвар барои таҳсил ба Тоҷикистонро интихоб кардаанд.
Қабули донишҷӯён дар миёни ду кишвари ҳамсоя дуҷониба аст. Дар 6 моҳи аввали соли 2026 барои рафтан ба таҳсил ба Ӯзбекистон 1 ҳазору 915 шаҳрванди Тоҷикистон ворид шудаанд. Аз рӯи ин нишондиҳанда, Тоҷикистон дар миёни кишварҳое, ки шаҳрвандонаш барои таҳсил ба Ӯзбекистон меоянд, ҷойи сеюмро гирифтааст.
Дар маҷмуъ, дар моҳҳои январ – июни соли 2026 ба Ӯзбекистон барои таҳсил 21 ҳазору 42 шаҳрванди хориҷӣ ворид шудаанд. Ин рақам нисбат ба ҳамин давраи соли гузашта тақрибан 11 ҳазору 500 нафар ё 2,2 баробар бештар аст.
Дар се моҳи аввали соли 2026 бошад, 381 шаҳрванди Ӯзбекистон барои таҳсил ба Тоҷикистон омадаанд. Аммо ин омор ҳатман шумораи воқеии донишҷӯёни ӯзбекро, ки дар донишгоҳҳои Тоҷикистон таҳсил мекунанд, нишон намедиҳад, зеро омори сафар ва шумори донишҷӯёни воқеӣ метавонад фарқ кунад.
Ҳамкории ду кишвар дар соҳаи маориф бар асоси як қатор созишномаҳо сурат мегирад. Соли 2018 Душанбе ва Тошканд созишномаи ҳамкорӣ дар соҳаи таҳсилоти олӣ ва илмро имзо карданд, ки мубодилаи донишҷӯён, омӯзгорон ва муҳаққиқон, робитаҳои мустақими донишгоҳҳо ва татбиқи барномаҳои муштараки илмиро пешбинӣ мекунад.
Ҳамон сол ду кишвар, инчунин, дар бораи эътирофи мутақобилаи ҳуҷҷатҳои таҳсилотӣ ба мувофиқа расиданд. Ин санад имкони истифодаи дипломҳо ва дигар ҳуҷҷатҳои давлатии таҳсилотии ду кишварро барои идомаи таҳсил дар кишвари дигар фароҳам меорад.
Ҳамкории илмӣ ва таълимӣ дар солҳои баъдӣ низ густариш ёфтааст. Моҳи апрели соли 2024 ҳангоми сафари президенти Ӯзбекистон Шавкат Мирзиёев ба Душанбе ду кишвар созишномаи ҳамкорӣ дар соҳаи аттестатсияи кадрҳои илмӣ ва илмӣ-педагогии баландихтисосро имзо карданд.
Моҳи марти соли 2026 президентҳои Тоҷикистон ва Ӯзбекистон — Эмомалӣ Раҳмон ва Шавкат Мирзиёев таҳсилотро яке аз самтҳои минбаъдаи ҳамкории гуманитарӣ номиданд. Ҷонибҳо, инчунин, бар идомаи мубодилаи мунтазам дар соҳаи маориф ва сиёсати ҷавонон мувофиқа карданд.
Dialog.tj
Хатти хабарҳо
17.10.2026 08:24
Эрон мегӯяд интиқоли нафт ба Тоҷикистонро идома медиҳад
Ҷумҳурии Исломии Эрон мақсад дорад интиқоли маҳсулоти нафтӣ ва газ ба кишварҳои Осиёи Марказӣ, аз ҷумла Тоҷикистонро идома диҳад.
16.10.2026 18:22
Президенти Эрон: “Исроил ва Амрико экосистемаи минтақаро вайрон мекунанд”
Масъуд Пизишкиён, президенти Ҷумҳурии Исломии Эрон гуфт, ки Исроил ва Амрико бо ҷангҳои худ ба экосистемаҳои минтақа осеби ҷиддӣ мерасонанд. Ӯ аз ҷомеаи байналмилалӣ хост, ки барои арзёбии зарари экологӣ ва барқарор намудани минтақаҳои осебдида чораҳои муштарак андешанд.
16.10.2026 18:05
Эмомалӣ Раҳмон: “Дар Душанбе бо пуштибонии СММ дар соли 2027 конфронси байналмилалии сулҳ баргузор мешавад”
Пешвои миллат муҳтарам Эмомалӣ Раҳмон дар нишасти сарони кишварҳои узви Созмони ҳамкории Осиё (CICA) эълон намуданд, ки дар моҳи майи соли 2027 дар шаҳри Душанбе конфронси байналмилалӣ оид ба таҳкими сулҳ бо пуштибонии Созмони Милали Муттаҳид ва дигар шарикони байналмилалӣ баргузор хоҳад шуд.
16.10.2026 17:58
Сергей Лавров: “Таҳдидҳои амниятӣ дар Афғонистон аз байн нарафтаанд. Маскав ба Тоҷикистон кумак мекунад”
Сергей Лавров, вазири корҳои хориҷии Русия гуфт, таҳдидҳои амниятӣ дар Афғонистон ҳанӯз аз байн нарафтаанд. Ӯ гуфт, Маскав ба Тоҷикистон барои таҳким додани амнияти марз бо Афғонистон кумак мекунад.
16.10.2026 17:50
Чин аз Толибон даъват кард, ки бар зидди гурӯҳҳои террористӣ иқдом кунанд
Мақомоти Чин дар шаҳри Бокуи Озарбойҷон аз гурӯҳи террористии Толибон хостанд, ки бар зидди таҳдидҳои террористӣ дар қаламрави Афғонистон иқдомҳои мушаххас анҷом диҳанд.
16.10.2026 16:45
Ҳамлаҳо ба майдонҳои ҳавоӣ ва муассисаҳои нафтӣ рахнаи амниятӣ дар Арабистони Саудиро ошкор сохт
Расонаи “Ройтерз” дар гузорише навишт, ҳамлаҳо ба фурудгоҳи Риёз ва муассисаҳои нафтӣ осебпазир будани Арабистони Саудӣ дар муқобили таҳдидҳои амниятии як кишвари ҳамсояро ошкор сохт.
16.10.2026 15:39
Қирғизистон мегӯяд қочоқи “говҳои шохдор” ба Тоҷикистонро ошкор сохт
Мақомоти амниятии Қирғизистон мегӯянд, аз қочоқи чорвои калон ё говҳои шохдор ба Тоҷикистон пешгирӣ кардаанд.
16.10.2026 12:06
11 нафар кушта шуданд. Толибон барои “тарёк” ҳамдигарро мекушанд
Ду гурӯҳ аз ҷангҷӯёни гурӯҳи террористии Толибон дар ноҳияи Баҳромчаи вилояти Ҳилманди Афғонистон барои маводи мухаддир ҷанг карданд, ки дар натиҷаи ин ҷанг 11 нафар кушта ва 4 нафари дигар захмӣ шудаанд.
16.10.2026 10:51
Пешвои миллат бо сафари корӣ ба Ҷумҳурии Арманистон рафтанд
15-уми октябр Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон бо сафари корӣ ба шаҳри Еревани Ҷумҳурии Арманистон рафтанд.
16.10.2026 10:31
Навзоде, ки аз таваллудхона гум шуда буд, ёфт шудааст
Раёсати Вазорати корҳои дохилӣ дар шаҳри Душанбе бо нашри иттилоияе хабар дод, ки кӯдаки навзоде, ки аз Пажӯҳишгоҳи акушерӣ, гинекологӣ ва перинатологии Тоҷикистон гум шуда буд, ёфт шудааст.
16.10.2026 09:52
Неруҳои мусаллаҳи Яман: ба шаҳри Мадина ҳамла накардаем
Расонаҳои Арабистони Саудӣ бо нашри хабарҳое иддао карданд, ки неруҳои мусаллаҳи Яман ба шаҳри Мадина ҳамла кардаанд. Дар пайи ин неруҳои мусаллаҳи (ҳусиҳои) Яман вокуниш нишон доданд.
16.10.2026 09:45
“Дом”-и ҳиҷоб бар зидди ҳукумати Илҳом Алиев миёни Туркия ва Озарбойҷон фосила андохт
Як гурӯҳи духтарони ҳиҷобпӯш дар Озарбойҷон бар зидди қоидаҳои ягонаи либоси мактабӣ, ки аз ҷониби ҳукумати Озарбойҷон қабул шуд, намоиши эътирозӣ доир карданд. Онҳо аз ҳукумати Озарбойҷон даъват карданд, ки қоидаҳои манъи таҳсил бо ҳиҷоб дар мактабҳо бекор карда шавад.