Сипоҳи Посдорони Эрон эълом кардааст, ки пойгоҳи ҳавоӣ ва чархболии Амрико, мустақар дар яке аз кишварҳои минтақа, бо мушак ва паҳпод мавриди ҳамла қарор дода шудааст.

Тасним рӯзи чоршанбе, 3-уми июн гузориш додааст, ки афзун бар пойгоҳ, як нови амрикоӣ, мустақар дар обҳои минтақа низ аз сӯи Сипоҳи Посдорони Эрон ҳадаф қарор гирифтааст.

Бар асоси гузориш, Сипоҳи Посдорони Эрон муддаӣ навиштааст, ки ҳамла ба пойгоҳ ва шиновари амрикоӣ дар посух ба ҳамлаи неруҳои амрикоӣ ба як нафткаш, мутааллиқ ба Эрон будааст.

Сипоҳ ҳамчунин, гуфтааст, ки неруҳои амрикоӣ шаби гузашта дар як ҳамлаи муҷаддад, пояи мухобиротии марбут ба Сипоҳро дар ҷазираи Қашм ҳадафи ҳамалоти ҳавоӣ қарор додаанд.

Дар эъломияи Сипоҳ, ки Тасним мунташир кардааст, афзуда шудааст, ки дар посух ба ҳамлаи Амрико, пойгоҳи ҳавоӣ ва чархболии Амрико, мустақар дар яке аз кишварҳои минтақа ва ҳамчунин, маркази новгоҳи панҷуми дарёии Амрико мавриди ҳамла қарор гирифтааст.

Дар ин эъломия аз кишвари мушаххасе ба унвони мизбони пойгоҳҳои амрикоӣ ном бурда нашудааст, аммо шаби гузашта Кувайт эълом кард, ки системаи зиддиҳавоии ин кишвар дар ҳоли раҳгирии ҳамлаҳои паҳподӣ ва мушакии "хасмона" аст.

Вазорати дохилаи Баҳрайн низ шаби гузашта эълом кардааст, ки бонги хатар ба садо даромада ва аз шаҳрвандонаш хостааст оромиши худро ҳифз кунанд ва ба наздиктарин макони амн бираванд.

Dialog.TJ