8 кишвари арабӣ ва исломӣ рафтори Бен-Гвир бо фаъолони “Новгони ҷаҳонии Сумуд”-ро шармовар ва поймол кардани каромати инсонӣ донистанд.

Ба гузориши расонаҳои байналмилалӣ 8 кишвари арабӣ ва исломӣ бо интишори баёнияи муштарак, бадрафторӣ ва таҳқири фаъолони боздоштшудаи “Новгони ҷаҳонии Сумуд” тавассути Итамар Бен-Гвир, вазири амнияти дохилии режими Исроилро башиддат маҳкум карданд ва онро нақзи ошкори каромати инсонӣ донистанд.

Ин баёния тавассути вазирони корҳои хориҷии Миср, Арабистони Саудӣ, Қатар, Иморот, Урдун, Туркия, Покистон ва Индонезия содир шудааст.

Бен-Гвир, вазири режими Исроил рӯзи чоршанбе наворе аз боздошти фаъолони Новгони Сумуд, ки бо ҳадафи шикастани муҳосираи Навори Ғазза озими ин минтақа буданд мунташир кард. Дар ин тасвирҳо, фаъолони дастбаста дар ҳоле дида мешаванд, ки ба зону даромада ва маҷбур ба шунидани суруди режими Исроил шудаанд: тасвирҳое, ки бо ҳузури таҳрикомез ва суханони тавҳиномези вазири амнияти дохилии Исроил ҳамроҳ буд.

Интишори ин навор мавҷи хашми байналмилалиро ба ҳамроҳ дошт ва кишварҳои мухталифе, аз ҷумла Испания, Канада, Ҳолланд, Фаронса, Италия, Зеландияи Нав, Португалия ва Австралия дар эътироз ба ин иқдом сафирон ё намояндагони дипломатии Исроилро эҳзор карданд.

Вазирони корҳои хориҷаи кишварҳои имзокунанда рафтори Бен-Гвирро “ваҳшатнок, таҳқиромез ва ғайриқобили қабул” тавсиф карда ва таъкид карданд, ки ин иқдоми барқасдона нақзи сареҳи уҳдадории қонунии Исроил дар ҷомеаи байналмилалӣ аст.

Дар бахши дигари ин баёния омадааст, ки рафторҳои таҳрикомези Бен-Гвир на танҳо ба густариши нафрат ва ифротгароӣ доман мезанад, балки монеаи бузурге дар масири талошҳои дипломатӣ барои амалӣ намудани сулҳи одилона ва пойдор маҳсуб мешавад.

Dialog.tj