Шабакаи хабарии “Си-эн-эн” (CNN) ба нақл аз манобеи худ гузориш дода, ки Доналд Трамп, раиси ҷумҳури Амрико ба таври ҷиддӣ дар ҳоли баррасии гузинаи азсаргирии як амалиёти густарда бар зидди Эрон аст.

Си-эн-эн рӯзи сешанбе, 12-уми май хабар дода, ки Кохи Сафед ба далели идомаи баста будани тангаи Ҳурмуз дар ҳоли “аз даст додани сабри худ” аст.

Бар асоси гузориш, дар дохили Кохи Сафед дастаҳои мухталифе вуҷуд дорад, ки ҳар кадом рӯйкарди гуногун дар бораи Эрон пешниҳод мекунанд.

Тибқи гузориш, бархе аъзои давлати Амрико аз сиёсати ҷангталабона ҳимоят мекунанд, ки шомили ҳамла ба Эрон барои тазъифи мавқеияти он мешавад.

Си-эн-эн афзудааст, ки дар муқобил гурӯҳи дигар ҳамчунон бар идомаи талошҳои дипломатӣ таъкид доранд.

Ин шабака ҳамчунин, афзудааст, ки бархе афрод дар ҳалқаи наздикони Трамп мехоҳанд Покистон, ки нақши миёнарав дар гуфтугӯҳои Амрико ва Эронро дорад, мавзеъи Вашингтонро бо диққати бештаре ба Теҳрон интиқол кунад.

Ин шабака таъкид кардааст, ки Трамп эҳтимолан пеш аз сафари худ ба Чин, тасмими ниҳоӣ дар бораи Эронро ироа нахоҳад кард.

Dialog.tj