Як расонаи покистонӣ ба нақл аз мақомоти ин кишвар гузориш додааст, ки мақомоти гурӯҳи террористии Толибон ва Покистон барои коҳиши танишҳои низомӣ дар шаҳри Урумчии Чин гуфтугӯ мекунанд.

Расонаи “Хуросон Дайрӣ” (The Khorasan Diary) рӯзи чоршанбе, 1-уми апрел ба нақл аз мақомоти Толибон ва Покистон гузориш дода, ки ҳайати Толибон, ба шумули намояндагони вазорати хориҷа ва вазорати дифои ин гурӯҳ, ба шаҳри Урумчии Чин сафар кардааст.

Бар асоси гузориш, ҳайати Толибон тавассути Вазорати корҳои хориҷаи ин гурӯҳ раҳбарӣ мешавад.

Ин гуфтугӯҳо дар идомаи сафарҳои намояндаи Чин барои Афғонистон ба Кобул ва Исломобод анҷом хоҳад шуд.

Дар гузориш омадааст, ки тасмим гирифта шудааст, то замони ҳосили пешрафти муҳим, нишастҳо дар сатҳи поин баргузор шавад.

Толибон ва Покистон ба гунаи расмӣ дар ин бора чизе нагуфтаанд.

Даргирии низомии Толибон ва Покистон ҳудуди як моҳ идома дошта ва даҳҳо ғайринизомӣ то кунун кушта шудаанд.

Dialog.tj