РУС ТОҶ
23 Октябр 2026,
ҷумъа, 08:00, Душанбе
Диалог. Тоҷикистон ва ҷаҳон
РУС ТОҶ
Маъориф
26.01.2026 09:20

Дар ДДТТ ба номи Абуалӣ ибни Сино ихтисосҳои нави “Биохимияи клиникӣ” ва “Психологияи тиббӣ” роҳандозӣ шуданд

Субҳи имрӯз дар нишасти матбуотӣ ректори Муассисаи давлатии таълимии “Донишгоҳи давлатии тиббии Тоҷикистон ба номи Абуалӣ ибни Сино” профессор Муҳиддин Н.Д. иттилоъ дод, ки бо мақсади мутобиқ гардонидани таҳсилоти тиббӣ ба талаботи муосири соҳаи тандурустӣ ва бозори меҳнат иқдоми нав амалӣ гардид.

Тавре иттилоъ дода шуд, бо назардошти ниёзҳои афзояндаи соҳа ба иҷозатномаи фаъолияти таълимии Донишгоҳ ду ихтисоси нав - “Биохимияи клиникӣ” ва “Психологияи тиббӣ” илова гардидаанд. Қабул ба ин ихтисосҳо аз соли таҳсили 2025–2026 расман оғоз ёфтааст.

Ба гуфтаи роҳбарияти Донишгоҳ, роҳандозии ин ихтисосҳо ба баланд бардоштани сифати ташхисҳои лабораторӣ, рушди хизматрасониҳои тиббию иҷтимоӣ ва омода намудани мутахассисони ҷавобгӯ ба стандартҳои байналмилалӣ мусоидат менамояд. Таълим дар доираи ихтисосҳои нав бо истифода аз технологияҳои муосир, симуляторҳои тиббӣ ва платформаҳои рақамӣ ба роҳ монда мешавад.

Қобили зикр аст, ки Донишгоҳи давлатии тиббии Тоҷикистон ба номи Абуалӣ ибни Сино ҳамчун аввалин муассисаи олии касбии кишвар аз аккредитатсияи байналмилалии институтсионалӣ гузашта, барномаҳои таълимии худро мутобиқ ба меъёрҳои ҷаҳонӣ таҳия намудааст.

Ин иқдом қадами нав дар рушди таҳсилоти олии тиббӣ буда, мавқеи Донишгоҳро дар арсаи миллӣ ва байналмилалӣ боз ҳам таҳким мебахшад.

Бояд гуфт, ки имрӯз дар Донишгоҳи давлатии тиббии Тоҷикистон ба номи Абуалӣ ибни Сино нишасти матбуотӣ баргузор гардид, ки дар он роҳбарияти Донишгоҳ иштирок намуда, ба пурсишҳои рӯзноманигорони кишвар посух доданд.

Dialog.tj

Хатти хабарҳо

Гуфтори мустақим
22.10.2026 14:26

Ҳорун Самарқандӣ: “Ояндаи тоҷикони Афғонистон ба ташаккули стратегияи мустақили сиёсӣ вобаста аст

Ҳорун Самарқандӣ дар рустои Самарқанди вилояти Бағлони Афғонистон таваллуд шудааст. Дар даври ҳукумати устод Раббонӣ ба ҳайси донишҷӯ дар Донишгоҳи Кобул дарс хондааст. Дарсҳояш ба итмом нарасида, муқовимат бар зидди гурӯҳи террористии Толибон оғоз мешавад ва ӯ дар дафтари Аҳмадшоҳи Масъуд муддате кор мекунад. Баъди омадани ҳукумати ҷадид ба раҳбарии Ҳомид Карзай дарсҳояшро дар Донишгоҳи тиббии Кобул идома дода, ин донишгоҳро хатм мекунад. Дар ин давра дар созмонҳои байналмилалии тандурустӣ кор кардааст. Дар соли 2025 ӯ ба ҳайси масъули бахши тандурустӣ ва равонии вилояти Бағлон кор кардааст. Қабл аз фурӯпошии ҳукумати Ашраф Ғанӣ аз Кобул хориҷ шуд ва ҳоло дар Миср кору зиндагӣ мекунад. Ӯ як фаъоли ҷомеаи шаҳрвандӣ аст, ки дар шабакаҳои иҷтимоӣ аз ҳақи тоҷикон, забони форсӣ ва ҳамгироии мардуми форсизабон дифоъ мекунад.
Эрон
22.10.2026 11:16

Ироқчӣ ба Амрико бори дигар ҳушдор дод

Сайид Аббос Ироқчӣ, вазири корҳои хориҷии Ҷумҳурии Исломии Эрон дар паёми нави худ гуфт, Теҳрон омода аст бори дигар ба дипломатия имконият диҳад. Ӯ таъкид кард, ин ба он вобаста мебошад, ки Амрико барои эҷоди эътимод ва расидан ба роҳи ҳалли одилона омодагӣ нишон диҳад.
Аврупо ва Америка
22.10.2026 10:56

Тавҳини Трамп бар миллати Эрон: “Эрониҳо бадтарин миллати рӯи заминанд”

Президенти Иёлоти Муттаҳидаи Амрико иддао кард, ки Вашингтон Эронро дар соҳаҳои низомӣ ва иқтисодӣ шикаст додааст. Доналд Трамп Теҳронро барои дастёбӣ ба силоҳи атомӣ муттаҳам намуда, дар мавриди мардуми Эрон суханҳои тавҳиномез гуфт.
Молия
22.10.2026 10:44

Созишномаи грантӣ оид ба бунёди зеристгоҳи барқӣ дар Душанбе ба имзо расид

Тибқи иттилои маркази матбуоти Вазорати молия, байни Ҳукумати Ҷумҳурии Тоҷикистон ва Агентии Ҷопон оид ба ҳамкориҳои байналмилалӣ (JICA) Созишномаи грантӣ оид ба лоиҳаи бунёди зеристгоҳ барои низоми магистралии интиқоли неруи барқ дар шаҳри Душанбе ба имзо расонда шуд.
Фарҳанг
22.10.2026 10:35

Ҷашнвораи VIII байналмилалии театрҳои лӯхтак «Чодари хаёл» оғоз гардид. Тоҷикистонро кадом театрҳо намояндагӣ мекунанд?

Бинобар иттилои маркази матбуоти Вазорати фарҳанги Ҷумҳурии Тоҷикистон, 21-уми октябр дар шаҳри Душанбе маросими ифтитоҳи Ҷашнвораи VIII байналмилалии театрҳои лӯхтак «Чодари хаёл» баргузор гардид.
Сиёсати дохилӣ
22.10.2026 10:33

Президенти кишвар чанд қонун, аз ҷумла «Дар бораи муҳоҷират»-ро имзо карданд

Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба қонунҳое, ки Маҷлиси намояндагон ва Маҷлиси миллии Маҷлиси Олии Ҷумҳурии Тоҷикистон қабул ва ҷонибдорӣ намудаанд, имзо гузоштанд.
Осиёи Марказӣ
22.10.2026 08:53

Кишварҳои Осиёи Марказӣ: Зарари офатҳои табиӣ дар ин минтақа дар 35 соли ахир беш аз 1 миллиард доллар аст

Намояндагони панҷ кишвари Осиёи Марказӣ дар нишасте дар шаҳри Тошканд нақши муштараки мубориза бо селу ярч ва барномаи таҳким ва тобовар кардани шаҳрҳо дар баробари офатҳои табиӣ ва тағйирёбии иқлим то соли 2030-ро тасдиқ карданд.
Матолиби ҷолиб дар ВАО
22.10.2026 08:41

Владимир Зеленский: “Русия ба Эрон кумак мекунад”

Владимир Зеленский, президенти Украина дар изҳороти нави худ гуфт, ки Русия дар канори Эрон қарор гирифта, ба ин кишвар кумак мекунад. Ӯ аз фаъолияти низомии огоҳкунии пешакӣ бо кумаки иттилоотии Иёлоти Муттаҳидаи Амрико истиқбол намуда, таъкид кард, ки Украина мехоҳад ҳар чи зуд ҷанг дар ин кишвар хотима ёбад.
Аврупо ва Америка
22.10.2026 08:00

Трамп: “Агар ҷанг намекардем Эрон аз бомби атомӣ бар зидди душманонаш истифода мекард”

Доналд Трамп, президенти Иёлоти Муттаҳидаи Амрико дар ҷараёни суханронӣ дар ҳузури интихобкунандагони армикоӣ иддао кард, ки агар бо Эрон ҷангро оғоз намекард, ҳоло ин кишвар бо доштани силоҳи атомӣ, метавонист онро бар зидди душманонаш истифода кунад.