Рӯйхати расмии доварон барои ҳакамии бозиҳои байналмилалӣ дар соли 2026 аз ҷониби  Федератсияи байналмилалии футбол (ФИФА) нашр шуд, ки дар он 18 намояндаи кишвари мо шомил гардиданд.

Тибқи иттилои Федератсияи футболи Тоҷикистон, дар муқоиса бо соли гузашта квотаи доварон барои Тоҷикистон зиёд гардида, имсол 18 довар дар рӯйхати мазкур ҷой гирифтаанд.

Гуфта мешавад, ки дар рӯйхати Федератсияи байналмилалии футбол аз кишвари мо ҳафт довари ФИФА, ҳашт ёвари довари ФИФА ва ду довари футзали ФИФА эълон шудаанд. Илова бар ин, чор довари тоҷик Гулмуроди Саъдулло, Абдулло Давлатов, Амирҷон Хоркашев ва Зуҳал Хуҷаназарова ба рӯйхати расмии видеодоварони ФИФА шомил гардида, ҳақ доранд бозиҳои байналмилалиро ҳамчун VAR ҳакамӣ кунанд.

Ҳамин тавр, рӯйхати доварон аз Тоҷикистон чунин аст:

Доварони ФИФА: Гулмуроди Саъдулло (Душанбе), Насрулло Кабиров (Норак), Сайёдҷон Зайниддинов (Душанбе), Абдулло Давлатов (Шаҳринав), Амирҷон Хоркашев (Душанбе), Нодира Мирзоева (Душанбе), Наталя Сотникова (Душанбе).

Ёварони доварони ФИФА: Акмал Буриев (Турсунзода), Хусрави Сиддиқзод (Душанбе), Ҳасан Каримов (Норак), Фарҳод Қуралов (Душанбе), Вафо Қараев (Шаҳринав), Исмоил Нуралиев (Норак), Ғайрат Рӯзибоев (Шаҳринав), Дилшода Раҳмонова (Душанбе).

Доварони футзали ФИФА: Суҳроб Сатторов (Турсунзода), Сафаралӣ Маҳмадизода (Душанбе);

Видеодоварон (VAR): Гулмуроди Саъдулло (Душанбе), Абдулло Давлатов (Шаҳринав), Амирҷон Хоркашев (Душанбе), Зуҳал Хуҷаназарова (Душанбе).

Ёдовар мешавем, ки соли 2025 аз Тоҷикистон 17 довар ҳамчун доварони ФИФА интихоб шуда буданд.

Dialog.tj