Аз 1-ум то 7-уми январи соли 2026 дар муассисаҳои таҳсилоти миёнаи умумии Ҷумҳурии Тоҷикистон таътили зимистона мешавад.

Тавре ки АМИТ “Ховар” бо такя ба маълумоти Вазорати маориф ва илми Ҷумҳурии Тоҷикистон хабар медиҳад, дар ҳамаи муассисаҳои таҳсилоти миёнаи умумӣ то 31-уми декабр чоряки дуюм ҷамъбаст гардида, хонандагон ба таътили зимистона мебароянд.

Гуфта мешавад, ки Вазорати маориф ва илми Ҷумҳурии Тоҷикистон ҳама падару модаронро даъват менамояд, ки дар таътили зимистона назорати ҷиддӣ бурда, нагузоранд фарзандонашон вақти бештари худро бо истифодаи телефони мобилӣ ва корҳои беҳуда гузаронанд.

Иттилоъ дода мешавад, ки дар муассисаҳои таълимӣ барои хонандагон таътил чунин муқаррар карда мешавад: таътили тирамоҳӣ: 7 рӯз (аз 1-ум то 7-уми ноябр), таътили зимистона: 7 рӯз (аз 1-ум то 7-уми январ), таътили баҳорӣ: 5 рӯз (аз 25-ум то 29-уми март) ва таътили тобистона, ки пас аз анҷоми соли таҳсил ва ҷамъбасти аттестатсия то 31-уми август идома меёбад.

Dialog.tj