Имрӯз, 4-уми декабр дар Театри давлатии академии опера ва балети ба номи Садриддин Айнӣ Озмуни ҷумҳуриявии «Фурӯғи субҳи доноӣ китоб аст» дар соли 2025 ҷамъбаст гардида, ғолибон қадрдонӣ шуданд.

Дар маросими ҷамъбасти озмуни мазкур чор довталаб соҳиби Шоҳҷоиза шуданд:

1. Табассуми Ҷиёнхон, хонандаи синфи 10-и Муассисаи таҳсилоти миёнаи умумии №3-и ноҳияи Муъминобод дар номинатсияи «Адабиёти кӯдакону наврасон ва осори шифоҳӣ»;
2. Анушервон Раҳимов, донишҷӯйи курси 2-и Донишгоҳи давлатии Данғара дар номинатсияи «Адабиёти классикии тоҷик»;
3. Умеда Шарифова, хонандаи синфи 4-и Муассисаи таҳсилоти миёнаи умумии №4-и ноҳияи Мастчоҳ дар номинатсияи «Адабиёти муосири тоҷик»;
4. Фариса Холиқова, хонандаи синфи 10-и Муассисаи таҳсилоти миёнаи умумии №50-и ноҳияи Рӯдакӣ дар номинатсияи «Адабиёти ҷаҳон».

Ба ғолибони ҷойи сеюм 40 ҳазор сомонӣ, ҷойи дуюм 50 ҳазор сомонӣ, ҷойи якум 70 ҳазор сомонӣ ва барандагони Шоҳҷоиза 140 ҳазор сомонӣ мукофотпулӣ дода шуд.

Гуфта мешавад, ки Озмуни ҷумҳуриявии «Фурӯғи субҳи доноӣ китоб аст» соли ҳафтум аст, ки таҳти сарпарастии Президенти Ҷумҳурии Тоҷикистон муҳтарам Эмомалӣ Раҳмон доир мегардад ва дар ин муддат дар он 1 миллиону 153 ҳазору 616 нафар иштирок намуданд.

 Dialog.tj