16-уми ноябр дар шаҳри Ню-Йорки Иёлоти Муттаҳидаи Амрико мусобиқаи UFC 322 доир гашт, ки муҳорибаи асосии он барои камарбанди чемпионӣ дар вазни ниммиёна миёни чемпион Ҷек Делла Маддалена ва довталаб Ислом Махачав буд.

Муҳорибаи Ҷек Делла Маддалена ва Ислом Махачав панҷ раунд давом ёфта, бо қарори якдилонаи доварон размкори доғистонӣ Ислом Махачав ғолиб омада, чемпиони вазни ниммиёна гардид.

Дар 25 дақиқаи муҳориба Ислом Махачев наздики 19 дақиқа Ҷек Делла Маддаленаро дар замин идора кард, ки дар таърихи мусобиқаҳои UFC камсобиқа аст.

Барои Ҷек Делла Маддалена, ки дар 18 муҳорибаи охири худ мағлуб нашуда буд, аввалин бохт аз соли 2016 инҷониб маҳсуб меёбад. Ислом Махачев бошад, бо ба даст овардани ин ғалаба аввалин варзишгари рус шуд, ки дар ду вазн чемпион гардид. Ӯ тӯли се сол чемпиони вазни сабук буд ва камарбандашро чор маротиба ҳимоя кард.

"Ин орзуи ман буд. Ҳама заҳматҳоям барои имрӯз буд, ки чемпиони ду вазн гардам", - гуфт пас аз муҳориба.

Инчунин, Ислом Махачев дар ташкилоти UFC шумораи ғалабаҳои пайдарпайяшро ба 16 расонд, ки то ин вақт танҳо як варзишгар Андерсон Силва ба ин омор расидааст.

Ҳамин тавр, Ислом Махачев 3 миллиону 330 ҳазор доллар ва Ҷек Делла Маддалена 1 миллиону 900 ҳазор доллар ба даст оварданд.

Dialog.tj