РУС ТОҶ
16 Сентябр 2026,
чоршанбе, 05:39, Душанбе
Диалог. Тоҷикистон ва ҷаҳон
РУС ТОҶ
Тоҷикистон-Қирғизистон
10.10.2025 07:22

Эмомалӣ Раҳмон ва Садир Жапаров масъалаҳои ҳамкории дуҷонибаро баррасӣ карданд

9-уми октябр Президенти Ҷумҳурии Тоҷикистон муҳтарам Эмомалӣ Раҳмон дар ҳошияи Ҳамоиши Осиёи Марказӣ – Русия ва ҷаласаи Шурои сарони давлатҳои ИДМ бо Президенти Қирғизистон Садир Жапаров мулоқот анҷом доданд.

Эмомалӣ Раҳмон таъкид намуданд, ки бо талошҳои муштарак ва фазои дӯстиву ҳамдигарфаҳмӣ, ду кишвар тавонистаанд тамоми масъалаҳои мавҷударо дар муносибатҳои дуҷониба ҳал кунанд.

Дар мулоқот ҷонибҳо зарурати иҷрои тавофуқоти қаблан бадастомадаро таъкид намуданд ва истифодаи самараноки имкониятҳои Шурои ҳамоҳангсозии байнидавлатӣ ва Шурои байниҳукуматиро барои таҳкими ҳамкории иқтисодиву тиҷоратӣ муҳим арзёбӣ карданд.

Сарони давлатҳо изҳор доштанд, ки густариши робитаҳои фарҳангӣ ва гуманитарӣ метавонад ба таҳкими дӯстии мардумони ду кишвар мусоидат кунад.

Ҳамчунин, ҳамкории наздики Тоҷикистону Қирғизистон дар чаҳорчӯби созмонҳои минтақавӣ ва байналмилалӣ ва дастгирии ташаббусҳои якдигар дар арсаи ҷаҳонӣ таъкид гардид.

Дар поён, ҷонибҳо атрофи масоили амнияти минтақавӣ ва роҳҳои вокуниш ба таҳдидҳои муосир гуфтугӯйи судманд анҷом доданд.

Dialog.tj

Хатти хабарҳо

Таҳлилҳо
15.09.2026 18:25

Таҳлилгари исроилӣ: нишонаҳои шикасти стратегии Амрико дар ҷанги Эрон ошкор шудаанд

Як таҳлилгари исроилӣ менависад, ки Амрико дар ҳоле аз пирӯзӣ дар муқобили Эрон ҳарф мезанад, ки Пентагон аз коҳиши захираи аслиҳа хабар медиҳад. Дар канори он, нархи нафт ба 110 доллар афзоиш ёфта, гузаргоҳҳои стратегии Ҳурмуз ва Бобулмандаб дар зери муҳосираи неруҳои ҳомии Эрон қарор гирифтааст.
Энергетика
15.09.2026 15:42

‎Масъалаи ҷалби сармоягузорӣ барои бунёди неругоҳҳои барқи офтобӣ дар Тоҷикистон баррасӣ гардид

Дар шаҳри Душанбе вазири энергетика ва захираҳои оби Ҷумҳурии Тоҷикистон Далер Ҷумъа бо намояндагони ширкати «LONGi»-и Ҷумҳурии Мардумии Чин мулоқот намуд.
Саноат
15.09.2026 14:39

Шералӣ Кабир ва Ким Ҷонг Кван масъалаи истифодаи технологияҳои нав дар раванди истеҳсолотро баррасӣ карданд

14-ми сентябр дар шаҳри Сеул дар доираи ҷаласаи нахустини Механизми машваратии вазирони саноат дар формати «C5+1» мулоқоти вазири саноат ва технологияҳои нави Ҷумҳурии Тоҷикистон Шералӣ Кабир бо вазири савдо, саноат ва захираҳои Ҷумҳурии Корея Ким Ҷонг Кван баргузор гардид.
Сиёсати хориҷӣ
15.09.2026 11:13

Такмили ихтисоси наҷотдиҳандагон ва баргузории машқҳои муштарак. Мулоқоти Раҷабалӣ Раҳмоналӣ бо сафири Британияи Кабир дар Тоҷикистон

14-уми сентябр раиси Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон генерал-полковник Раҷабалӣ Раҳмоналӣ бо сафири Подшоҳии Муттаҳидаи Британияи Кабир ва Ирландияи Шимолӣ дар Ҷумҳурии Тоҷикистон Кетрин Смиттон мулоқот намуд.
Афғонистон
15.09.2026 11:12

Толибон 10 нафарро ба иттиҳоми ҳамкорӣ бо Ҷабҳаи озодӣ дар Бадахшон боздошт кардаанд

Манобеи маҳаллӣ дар Бадахшони Афғонистон ба расонаҳои ин кишвар гуфтаанд, ки гурӯҳи террористии Толибон 10 нафарро дар ноҳияҳои Шукай ва Хоҳони вилояти Бадахшон ба иттиҳоми ҳамкорӣ бо Ҷабҳаи озодии Афғонистон боздошт кардаанд.
Ҷаҳон
15.09.2026 11:03

Шурои амният барои баррасии вазъи Бобулмандаб ҷаласаи изтирорӣ баргузор мекунад

Манобеи дипломатӣ мегӯянд, ки Шурои амнияти Созмони Милали Муттаҳид рӯзи сешанбе барои баррасии таҳаввулоти марбут ба тангаи Бобулмандаб ҷаласаи изтирорӣ баргузор хоҳад кард.
Матолиби ҷолиб дар ВАО
15.09.2026 10:52

Гузориши «Ню-Йорк Таймз» аз ошӯб дар Пентагон: Ҳегсет ба эҷоди фазои нобоварӣ муттаҳам мешавад

Рӯзномаи амрикоии «Ню-Йорк Таймз» дар гузорише аз он чӣ «ошӯби доимӣ» дар Вазорати ҷанги Иёлоти Муттаҳида таҳти роҳбарии Пит Ҳегсет, вазири ҷанг, номидааст, навиштааст, ки ин вазъият тавоноии мақомоти баландпояи низомиро барои тамаркуз ба авлавиятҳои амниятии ИМА коҳиш додааст.