48 нафар футболбозони маъруфи касбии ҷаҳонӣ бо роҳандозӣ кардани ташаббусе таҳти номи “варзишгарон барои сулҳ” хостори маҳрум кардани Исроил аз ширкат дар мусобиқаҳои байналмилалӣ шуданд.

Тибқи гузориши Ал-Ҷазира дар миёни имзокунандагон номи ситораҳои маъруф, ба мисли Пол Погба, Ҳаким Зиёш ва Анвар ал-Ғозӣ дида мешавад. Онҳо талаб намуданд, ки узвияти Исроил дар мусобиқаҳои Иттиҳодияи футболи Аврупо ва ҳамчунин, дар бозиҳои муқаддамотии ҷоми ҷаҳонӣ мутаваққиф гардад.

Ин иқдом дар вокуниш ба идомаи ҷанг ва “қатли омм бар зидди ғайринизомиён дар Навори Ғазза” сурат гирифтааст. Дар изҳороти расмӣ омадааст, ки “варзиш бояд ба адолат ва инсоният пойбанд бошад ва наметавонад дар баробари ҷиноятҳои зидди шаҳрвандон дар Ғазза сукут ихтиёр кунад".

Ҳофиз Дираҷӣ, шаҳрнависи маъруфи шабакаи Ал-Ҷазира ин иқдомро “қадами нахустини ҳамоҳангшуда ва умумӣ” барои берун кардани Исроил аз мусобиқаҳои аврупоӣ ва сипас, ҷаҳонӣ арзёбӣ кард. Ӯ онро ба иқдоми ҳамсон бар зидди Русия баъд аз ҳамла ба Укрина номид.

Ба гуфтаи ӯ, мақсади ташаббус “маҳрум кардани даставу клубҳои исроилӣ аз ҳузур дар мусобиқаҳои аврупоӣ ва ҷаҳонӣ” аст ва ин иқдомро бахше аз силсилаи фишорҳои сиёсӣ, иқтисодӣ ва фарҳангӣ бар Исроил донист.

Dialog.tj