Бошгоҳҳои "Ан-Наср"-и Арабистони Саудӣ ва "Истиқлол"-и шаҳри Душанбе дар доираи даври якуми Лигаи дуюми қаҳрамонҳои Осиё дар варзишгоҳи "Ал-Аввал Парк"-и шаҳри Риёз рақобат карданд.

Азбаски чанд соат қабл аз оғози бозӣ расман тасдиқ шуд, ки футболбози маъруфи портулагӣ ва ҳамлагари "Ан-Наср" ба майдон намебарояд, мухлисони бошгоҳи "Истиқлол" умед бастанд, ки футболбозони тоҷик бидуни Роналду рақобати беҳтар нишон дода метавонанд, вале бозӣ бо ҳисоби калони 5:0 ба фоидаи мизбонон ба анҷом расид.

Голҳои дастаи "Ан-Наср"-ро Абдурраҳмон Ғариб (дақиқаи 14-ум), Анжело Габриэл (дақиқаи 17-ум), Уэсли Гассова (дақиқаи 59-ум), Кингсли Коман (дақиқаи 88-ум) ва Садио Мане (дақиқаи 90+4-ум) ба дарвозаи “Истиқлол” заданд.

Бояд гуфт, ки дар ҳайати дастаи "Ан-Наср" футбозбозони маъруф ба мисли Кингсли Коман ва Садио Мане аз аввали бозӣ ба майдон набаромаданд.

Бошгоҳи “Истиқлол” пас аз даври якуми Лигаи дуюми қаҳрамонҳои Осиё бидуни имтиёз дар зинаи охир қарор дорад.

Ёдовар мешавем, ки бошгоҳи "Истиқлол"-и шаҳри Душанбе дар даври дуюм 1-уми октябр дар Душанбе бо "Гоа"-и Ҳиндустон рақобат мекунад.

Dialog.tj