Бинобар иттилои дастрас, аз 26-ум то 28-уми сентябри соли равон дар шаҳри Синдаои Чин мусобиқаи байналмилалии Qingdao Grand Prix доир мешавад.

Дар ин мусобиқаи бонуфуз, ки интизор аст намояндагони беш аз 20 давлати ҷаҳон иштирок намоянд, мунтахаби ҷудои Тоҷикистон низ бо шумули варзишгарони номдору маъруф ширкат хоҳанд варзид.

Гуфта мешавад, ки Ҷумҳурии Тоҷикистонро дар мусобиқаи байналмилалии Qingdao Grand Prix Меҳрзод Сӯфиев, Муҳаммадсолеҳ Қувватов (ҳар ду 60 кг), Обид Ҷебов (66 кг), Абӯбакр Шеров, Масъуди Аҳмадзод (ҳар ду 73 кг), Сомон Маҳмадбеков (81 кг),  Муҳаммадҷон Абдуҷалилзода (90 кг), Ҷаҳонгир Маҷидов (100 кг), Аҳлия Муминова (48 кг), Александра Кан (57 кг), Виктория Киселёва (+78 кг) муаррифӣ мекунанд.

Зикр мегардад, ки натиҷаи мусобиқаи мазкур ба тақсими квотаҳо барои Бозиҳои олимпии-2028 дар Лос-Анҷелес таъсир мерасонад.

Ҳамчунин, дар барномаи мусобиқа омадааст, ки рӯзи аввал, 26 сентябр рақобати мардон дар вазнҳои 60 кг, 66 кг, занон: 48 кг, 52 кг, 57 кг; рӯзи дуюм, 27 сентябр рақобати мардон дар вазнҳои 73 кг, 81 кг, занон 63 кг, 70 кг ва рӯзи сеюм, 28 сентябр рақобати мардон дар вазнҳои 90 кг, 100 кг, +100 кг, занон: 78 кг, +78 кг доир мегардад.

Dialog.tj