Бошгоҳи “Ал-Наср”, ки дар он Криштиану Роналду шомил аст, дар даври ниҳоии мусобиқаи Суперҷоми Арабистони Саудӣ бо дастаи “Ал-Аҳлӣ” рӯ ба рӯ шуд.

Вохӯрии дастаҳо бо ҳисоби 2:2 ба анҷом расид, аммо дар силсилаи зарбаҳои 11-метра бошгоҳи Криштиану Роналду бо ҳисоби 5:3 бозиро бохт ва боз аз қаҳрамонӣ маҳрум шуд.

Футболбози португалӣ Криштиану Роналду аз соли 2022 инҷониб дар ҳайати дастаи “Ал-Наср”  ҳунарнамоӣ мекунад, вале то ҳол ягон ҷоизаи расмӣ ба даст наовардааст.

Ӯ ва ҳамдастагонаш умед доштанд, ки дастаи “Ал-Аҳлӣ”-ро шикаст дода, аввалин ҷоизаашонро бо Криштиану Роналду ба даст меоранд, вале муваффақ нашуданд. Ҳарчанд дар майдон аз ҷиҳати зарбаҳо ва идораи тӯб бошгоҳи “Ал-Наср” бартарӣ дошт, вале ноком шуданд.

Дар бозии мазкур Криштиану Роналду голи 100-уми худро дар ҳайати дастаи “Ал-Наср” ба самар расонд ва рекорд гузошт. Яъне футболбози португалӣ дар корномааш тавонистааст, ки дар чор бошгоҳ  “Манчестер Юнайтед” (145), “Реала Мадрид” (450) “Ювентус” (101) ва “Ал-Наср” (100) сад ва аз он зиёд гол бизанад.

Dialog.tj