1. Минтақаҳоеро, ки тасхир кардем, пас намедиҳем. Луганск, Донетск, Мариупол, Мелитопол, Запороже, Херсон ва тамоми Донбасс мебошад.

2. Баҳси Қрим тамомшуда аст вақтатонро беҳуда сарф накунед!

3. Украина ба НАТО намепайвандад. Ин воқеияти геополитикии имрӯзи минтақаи мост.

4. Тазмини амниятӣ ба Украина ба воситаи Ғарб бидуни нақши Русия бемаъно аст

5. Оташбасро то ҳалли доимии муаллифаҳои болоӣ намепазирем.

Путин бо ин пешшартҳо Аврупо ва Украинаро ғофилгир карда ва се гузина барои Украина боқӣ гузоштааст:

1.Дар сурати напазируфтани шарти Путин Украина дар ҳимоят аз Аврупо бояд ба ҷанги фарсоишӣ ва бисёр пурҳазина идома диҳад, ки бозандаи қатъӣ ва бо талафоти зиёд хоҳад буд. Дар ин сурат Аврупо бояд садҳо миллиард доллар силоҳҳои пешрафта, ҳамроҳ бо падофанди ҳавоӣ аз Амрико барои дифоъ аз Украина бихарад. Ин тафаккур дар Аврупо ба шиддат зери нақдҳои шадиди зеҳнияти омма қарор дорад.

2.Пазируфтани пешшартҳои Путин марги сиёсии Зеленский ва шикасти доимии Украина ҳисобида мешавад. Дар ин ҳолат Украина ҳич гоҳе нахоҳад тавонист, ки дар баробари таҳдидҳои Русия сар боло кунад.

3. Эҷоди шароити миёна, ки пешшартҳоро бо гирифтани замонаи амниятӣ аз сӯи Амрико ва Аврупо, ки шабеҳи моддаи 5 паймони НАТО хоҳад буд, дар бар гирад. Ин ҳам шикасти “обрумандона” пиндошта мешавад.

4. Дар ин миён Доналд Трамп нақши восита ва миёнаравро бозӣ мекунад. Ӯ роҳбарони аслии Аврупоро ба Кохи сафед даъват кардааст, то рӯи ин пешшартҳои Путин суҳбат кунанд. Росташ ин Путин аст, ки бачаи аслии филм дар ҷанги Украина аст. Трамп нохоста нақши паёмрасони Путинро ба аврупоиҳо ва дар кулл ҷомеаи ғарбӣ дорад. Аммо Трамп дар пайи сенарияи дохилии худ низ аст. Ӯ, ки ваъдаи хатми ҷанги Украинаро дар корнома дорад, дар талош аст, то ҷоизаи Нобели сулҳро ба даст оварад. Аммо фаромӯш карда аст, ки ҳукми судури ин фармон дар дастони Путин қарор дорад. Агар Путин бо Трамп созиш кунад, барандаи ҷоизаи Нобели ҷаҳонӣ ҳатман Кохи сафед хоҳад буд. Ин бузургтарин ришваи сиёсии Путин ба Трамп ҳисоб мешавад. Русия ҳич гоҳе раҳбари зирак ба сони Путин надоштааст. Путине, ки чаҳор сол пеш дар баробари ду интихоби марг ё ҳамла ба Украина қарор дошт, ҳоло шароити марг ва зиндагии ҳарифони худро рӯи мизи Кохи сафед гузоштааст.

Малик Ситез, таҳлилгари сиёсӣ