Тибқи иттилои дастрас, футболбози португалӣ Криштиану Роналду мувофиқи шартномаи наваш бо бошгоҳи “Ал-Наср” дар Лигаи чемпионҳои 2-и Осиё дар бозиҳои меҳмонӣ иштирок намекунад. Ин маъноеро дорад, ки расман Криштиану Роналду дар бозии ҷавобии “Ал-Наср” ва “Истиқлол” ба Тоҷикистон намеояд.

Бошгоҳи “Истиқлол”-и Тоҷикистон дар гурӯҳи "D" бо дастаҳои "Ал-Наср"-и Арабистони Саудӣ, "Ал-Завра"-и Ироқ ва "Гоа"-и Ҳиндустон қарор гирифта, тибқи ҷадвали тасдиқгардида, дар даври якум 17-уми сентябри соли ҷорӣ бо “Ал-Наср” дар шаҳри Риёз рақобат хоҳад кард.

Дидори ҷавобии “Истиқлол”-и Тоҷикистон ва "Ал-Наср"-и Арабистони Саудӣ 26-уми ноябр дар шаҳри Ҳисор сурат мегирад.

Ҳамин тавр, дар марҳилаи гурӯҳӣ бошгоҳи “Истиқлол” бозиҳои зеринро анҷом медиҳад:

Даври 1-ум, 17-уми сентябр бо “Ал-Наср” (дар меҳмонӣ). Даври 2-юм, 1-уми октябр бо “Гоа” (дар майдони худ). Даври 3-юм, 22-уми октябр бо “Ал-Завра” (дар майдони худ). Даври 4-ум, 5-уми ноябр бо “Ал-Завра” (дар меҳмонӣ). Даври 5-ум, 26-уми ноябр бо “Ал-Наср” (дар майдони худ). Даври 6-ум, 24 декабр бо “Гоа” (дар меҳмонӣ).

Dialog.tj