Размкори маъруфи амрикоӣ Дастин Поре корҳои хайривиашро идома дода, ба муносибати наздик шудани Рӯзи дониш дар шаҳри Лафайети штати Луизиана ба 1200 мактаббача ҷузвдони мактабӣ тақдим намуд.

Дастин Поре, солҳост, ки дар доираи фонди хайриявиаш бо номи «Good Fight» ба ниёзмандон кумак мекунад ва тавре дида мешавад, ӯ пас аз хотимаи корномаи варзишиаш низ корҳои хайриявиро давом медиҳад.

Номбурда аз ҳисоби маъруф буданаш тавоҷуҳи саховатмандону хайрхоҳонро ҷалб карда, маҳз ба воситаи фонди хайриявиаш ба ниёзмандону дастнигарон кумак мерасонад.

Бояд бигӯем, ки Дастин Поре 20-уми июли соли ҷорӣ охирин муҳорибаашро бо Макс Холлоуэй дар ташкилоти UFC гузаронд ва корномаи варзишиашро ба итмом расонд.

Ёдовар мешавем, ки Дастин Поре аз соли 2009 дар муҳорибаҳои омехта иштирок карда, дар корномааш 30 ғалаба, 10 бохт ва як мусовӣ дорад. Ӯ се маротиба барои камарбанди чемпионӣ ҷангидааст, вале муваффақ нашудааст.

Dialog.tj