РУС ТОҶ
19 Сентябр 2026,
шанбе, 12:43, Душанбе
Диалог. Тоҷикистон ва ҷаҳон
РУС ТОҶ
Русия
28.07.2025 17:29

Ҳувияти супоришгарони ҳамлаи террористии “Крокус сити холл” мушаххас шуд

Ҳувияти роҳбарони террористие, ки дар ҳамлаи хунини толори консертии “Крокус сити холл” даст доштанд, аз сӯи мақомоти тафтишотии Русия муайян карда шуд. Дар ин бора хабаргузории давлатии ТАСС бо истинод ба маводи парвандаи ҷиноятӣ хабар додааст.

Тибқи иттилоъ, Беков А.И. ва Ҳикматов А. М., ки дар хориҷи кишвар қарор доранд, бо ҳимояти роҳбарияти олии сиёсии Украина, ба ташкил кардани ҳамлаҳои террористӣ бар зидди Русия машғул будаанд. Тафтишот нишон медиҳад, ки аз 1-уми июни соли 2023 онҳо бо омодасозии аъзои гурӯҳи террористӣ барои анҷом додани амалҳои террористӣ дар шаҳрҳои Маскав ва Каспийск оғоз кардаанд. Ҳамла дар Каспийск пешгирӣ шудааст.

Ин шахсон бо ҳамдастии ташкилкунандагони номаълум бо тахаллусҳои Сайфулло ва Охи аз 1-уми ноябри соли 2023 то 5-уми марти соли 2024 бо ҳадафи иҷрои супоришҳои сиёсии Украина, ба маблағи мушаххаси мукофоти молиявӣ, толори консертии “Крокус сити холл”-ро ба ҳайси ҳадафи ҳамлаи террористӣ интихоб намудаанд. Онҳо ҳамзамон шахсони алоқамандро ба гурӯҳи дар Русия манъшудаи ДОИШ-и Хуросон ҷалб кардаанд.

Ҳамлаи террористӣ рӯзи 22-уми марти соли 2024 дар “Крокус сити холл” рӯй дод. Бар асоси иттилои Кумитаи тафтишотии Русия дар натиҷа 149 нафар ҷони худро аз даст доданд, як нафар бедарак шудаанд ва 609 нафар захмӣ шудаанд.

Dialog.tj

Хатти хабарҳо

Матолиби ҷолиб дар ВАО
19.09.2026 12:05

Вазирони кишварҳои Шанхай дар Душанбе дар бораи интиқоли молу коло ва густариши тиҷорат гуфтугӯ карданд

Вазирони иқтисод ва савдои кишварҳои узви Созмони ҳамкории Шанхай рӯзи 17-уми сентябр дар ҷаласаи 25-уми созмони мазкур роҳҳои густариши тиҷорат, сода кардани расмиёти гумрукӣ ва таҳким додани роҳҳои интиқоли молу колоро мавриди баррасӣ қарор доданд.
Футбол
19.09.2026 08:21

“Бозиҳо душвор хоҳанд шуд”. Ҳайати мунтахаби Тоҷикистон барои бозиҳои дӯстона эълон шуд

Бинобар иттилои Федератсияи футболи Тоҷикистон, ситоди мураббиёни мунтахаби Тоҷикистон бо роҳбарии Игор Ангеловский ҳайати дастаро барои бозиҳои дӯстонаи моҳҳои сентябр ва октябр эълон кард.
Ҷомеа
18.09.2026 18:38

Ду кӯдак бо дастони баста дар ғори Муъминобод пайдо шуданд

Сокинони як деҳа дар ноҳияи Муъминобод дар нисфи шаб бо як саҳнаи такондиҳанда рӯ ба рӯ шуданд. Онҳо ду кӯдаки хурдсолро бо дастони баста, дар як ғор, дар зери буттаҳо пайдо намуданд. Ин ду кӯдак иқрор намуданд, ки онҳоро дуздида, бо дастони баста дар ин ғор ҷо додаанд.
Таҳлили "Диалог"
18.09.2026 18:29

“Санксияҳои амрикоӣ дар мекӯбанд?” Амрико аз кишварҳои Осиёи Марказӣ хост роҳи тиҷорат бо Эронро маҳдуд кунанд

Хабаргузории “Меҳр”-и Эрон бо такя ба манобеи иттилоотӣ навишт, ки мақомоти амрикоӣ дар тозатарин ҳаракати дипломатӣ аз кишварҳои Осиёи Марказӣ хостаанд, ки роҳи тиҷорат бо Эронро бибанданд. Ин хабаргузорӣ дар пасманзари ин пешниҳоди Амрико навишт: “Роҳи оҳан, шоҳроҳ, бандар, қубури газ ва масири транзитӣ дар як шаб бунёд намешавад. Барои ҳамин, агар Эрон барои минтақа фақат як бозори нисбатан хурд мебуд, ҷудо шудан аз он осонтар менамуд. Вақте сухан аз роҳи дастрасӣ ба баҳр ва бозорҳои ҷанубӣ меравад, масъала хеле мураккабтар мешавад”.
Нақлиёт
18.09.2026 14:04

Ба ҷои метро дар Душанбе роҳи оҳани шаҳрӣ. Тоҷикистон аз ширкатҳои кореягӣ хост дар ин тарҳ сармоягузорӣ кунанд

Вазири нақлиёти Ҷумҳурии Тоҷикистон аз ширкатҳои Кореяи Ҷанубӣ даъват намуд, ки дар бунёди роҳи оҳани шаҳрии Душанбе, ки арзиши он беш аз як миллиард доллар аст, ширкат ва сармоягузорӣ кунанд.
Аврупо ва Америка
18.09.2026 12:16

Сарвазири Шветсия пас аз шикасти интихоботӣ истеъфо дод

Сарвазири Шветсия Улф Кристерссон пас аз натиҷаи ниҳоии интихоботи парлумонӣ аз мақомаш истеъфо дод. Ин иқдом роҳро барои ташкили ҳукумати нави таҳти раҳбарии Магдалена Андерссон боз мекунад.