Дастин Поре, собиқ чемпиони муваққатии UFC дар вазни сабук, ки рӯзи 19-уми июл охирин муҳорибаашро дар ташкилоти мазкур мегузаронад, дар мусоҳибае сабаби аз варзиш рафтанашро шарҳ дод.

"Ҳоло ман дар беҳтарин ҳолати варзишӣ қарор дорам ва барои муҳорибаи охиринам омода шуда истодаам. Аммо тасмими хотима додани корномаи варзишиамро дигар накардаам, аз варзиш меравам. Сабаби асосӣ он аст, ки UFC ба ман се маротиба имкон дод, ки барои камарбанди чемпионӣ рақобат кунам, вале ба ҷуз камарбанди муваққатӣ чизе ба даст оварда натавонистам. Ҳоло бошад, дигар умед надорам, ки боз бароям шонс медиҳанд. Барои ҳамин, ман намехоҳам танҳо барои пул биҷангам. Варзиш ва корномаи хуби варзишӣ бароям муҳимтар аст", - гуфт размкори амрикоӣ.

Дасти Поре аз дурахшонтарин варзишгарони муҳорибаҳои омехта аст, ки солҳои зиёд мешавад дар ташкилоти бонуфузи UFC баромад мекунад.

Ёдовар мешавем, ки Дастин Поре охирин муҳорибаашро дар мусобиқаи UFC 318 рӯзи 19-уми июли соли ҷорӣ зидди Макс Холлувэй мегузаронад.

Dialog.TJ