Федератсияи Русия дар бораи роҳ ёфтани дронҳои украинӣ ба фазои Қазоқистон бо оромӣ ва муносибати корӣ амал хоҳад кард.

Сергей Лавров, вазири корҳои хориҷии Федератсияи Русия дар нишасти Шурои вазирони корҳои хориҷии кишварҳои узви Созмони аҳдномаи амнияти Дастаҷамъӣ гуфт, ки хадамоти дахлдори Русия ва Қазоқистон дар ин робита ҳамкорӣ мекунанд.

“Мо ин масъаларо ёдовар шудем ва қайд кардем, ки хадамотҳои марбута, ҳам низомӣ ва ҳам дигар сохторҳои амниятии кишварҳоямон, дар ҳамкорӣ ва ҳамоҳангӣ масъалаи мазкурро баррасӣ доранд”- афзуд Сергей Лавров.

Вазири корҳои хориҷии Русия афзуд, ҳамкорони қазоқистонӣ кафолат доданд, ки бо Украина дар хусуси такрор нашудани чунин амалҳо ва пешгирӣ кардани он суҳбат мекунанд ва дар робита ба он чора хоҳанд андешид. Бо ин роҳ Русия бе муроҷиат ва изҳороти пурэҳсосу иттиҳомҳо бо усули муколамаи созанда бо шариконаш масъалаҳоро ҳал мекунад.

Қаблан, дар расонаҳо хабар нашр шуд, ки дронҳои украинӣ аз қаламрави Украина вориди Русия шуда, ба объектҳои низомии ин кишвар осеб расониданд.

Dialog.tj