Вазорати маъдан ва нафти гурӯҳи террористии Толибон эълон кард, ки шартномаи истихроҷи нафт дар ҳавзаи Омӯдарё бо ширкати чинии “Афчинг” –ро бекор кардааст.

Ба гуфтаи Толибон ин шартнома бинобар “рух додани такрори камбудиҳо” аз сӯи ширкати чинӣ бекор шудааст.

Дар изҳороти Вазорати маъдан ва нафти Толибон зикр мешавад, ки пас аз таъсиси як кумитаи муштарак бар асоси пешниҳодҳои муовини бахши иқтисодии раиси вазирони Толибон ва супоришҳои раиси вазирон, ҳамчунин, баррасии фаъолияти ин ширкат, онҳо ба бекор кардани шартнома иқдом кардаанд.

Дар робита ба ин, Толибон аз ширкатҳои байналмилалии алоқаманд ба истихроҷи нафт дар ҳавзаи Омӯдарё даъкат кардаанд, ки ин пешниҳодҳои худро ба Вазорати маъдан ва нафт ба миён гузоранд.

Бояд гуфт, шартномаи истихроҷи нафт дар ҳавзаи Омӯдарё соли 2022 (1401 –и хуршедӣ) миёни Толибон ва ширкати чинии “Афчинг” баста шуда буд.

Ба асоси ин шартнома қарор буд ширкати мазкур дар тӯли 25 сол дар се бахш ба истихроҷи нафт дар ҳавзаи Омӯдарё машғул гардад.

Ширкати “Афчинг” то кунун дар бораи бекор шудани ин шартнома аз сӯи Толибон ҳеч изҳорот надодааст.

Dialog.tj