Ҷудочиёни тоҷик аз мусобиқаи қаҳрамонии ҷудои ҷаҳон, ки аз 13-ум то 19-уми июн дар Будапешт доир гардид, бо се медал, як нуқра ва ду биринҷӣ ба ватан бармегарданд.

Гуфта мешавад, ки ин дастоварди беҳтарин дар таърихи ҷудои Ҷумҳурии Тоҷикистон аст.

Дастовардҳои назаррасро, ки дар таърихи ҷудои кишвар таърихнависӣ мешаванд Эмомалӣ Нуралӣ дар вазни то 66 кило (медали нуқра), Обид Ҷебов дар вазни то 66 кило (медали биринҷӣ) ва Темур Раҳимов дар вазни беш аз 100 кило (медали биринҷӣ) ба даст оварданд.

Бояд гуфт, ки медали бадастовардаи Эмомалӣ Нуралӣ аввалин медали нуқта дар таърихи ҷудои мамлакат ба ҳисоб меравад.

Ҳамчунин, ҷудокори тоҷик Ҷаҳонгир Маҷидов дар мусобиқаи мазкур дар вазни -100 кило қувваозмоӣ карда, мақоми ҳафтумро соҳиб шуд. Вале панҷ варзишгари дигар Меҳрзод Суфиев (-60 кило),  Беҳрӯзи Хоҷазода, Абубакр Шеров (-73 кило), Сомон Маҳмадбеков (-81 кило), Кароматулло Ҳакимов (-100 кило) дар даври интихобӣ ноком шуданд.

Dialog.tj