Сайид Абдурраҳим Мусавӣ, раиси Ситоди кулли Неруҳои мусаллаҳи Ҷумҳурии Исломии Эрон гуфт, ки амалиёти то кунун анҷомшуда фақат як огоҳии боздоранда буд ва амалиёти ҷазодиҳанда ба зудӣ оғоз хоҳад шуд.

“Режими саҳюнистӣ бо баҳонаи ҳадафҳои низомӣ ба мардумони Эрон ҳамлаи таҷовузкорона анҷом дод” – таъкид кард Сайид Абдурраҳим Мусавӣ

Ӯ афзуд, режими Исроил барои “хомуш кардани овози ҳақиқат радио ва телевизиони миллии Эрон” –ро ҳадаф қарор дод.

“Ин режим бо сарпечӣ аз ҳама қонунҳои шинохташудаи байналмилалӣ, бо идомаи қатли тақрибан 300 рӯзноманигор дар Ғазза ва Лубнон ба рӯзономанигорони радио ва телевизиони Ҷумҳурии Исломии Эрон ҳамлаи ваҳшиёна кард” – таъкид намуд Мусавӣ.

Раиси Ситоди кулли Неруҳои мусаллаҳи Эрон гуфт, мардуми бузурги Эрон чунон ки то имрӯз нишон додаанд, ҳеч гоҳ дар баробари таҷовуз сар фуруд наоварданд ва дар баробари ин амали ваҳшиёна низ бо устуворӣ истода, режими Исроилро ба сазои аъмолашон хоҳанд расонд.

Ӯ бо ишора ба “шаҳодати фармондеҳон, ҳамватанони азиз ва донишмандон” эълон кард, ки Неруҳои мусаллаҳи Эрон омодаи анҷоми “ҷазодиҳанда” бар зидди Исроил ҳастанд.

“Ба сокинони сарзаминҳои ишғолӣ, бахусус Тел-Авив ва Ҳайфо огоҳӣ дода мешавад, ки барои ҳифзи ҷони худ ин манотиқро тарк кунанд ва худро қурбонии ҳавову ҳаваси ваҳшиёнаи Нетанёҳу накунанд. Озодандешони ҷаҳон итминон дошта бошанд, ки миллати бузурги Эрон таҳти роҳбарии қувваҳои мусаллаҳ интиқоми хуни шаҳидонро хоҳанд гирифт” – ҳушдор дод генерал Мусавӣ.

Dialog.tj