Неруҳои мусаллаҳи заминии артиши Ҷумҳурии Исломии Эрон дар вокуниш ба ҳамлаҳои ваҳшиёнаи Исроил дар 48 соати гузашта бо даҳҳо бесарнишин минтақаҳои мухталифи Исроилро мавриди ҳамла қарор додаанд.

Амир Каюмарс Ҳайдарӣ, фармондеҳи Неруҳои заминии артиши Эрон хабар дод, ки баъди ҳамлаи ваҳшиёнаи режими Исроил бесарнишинҳои нуқтазани Неруҳои мусаллаҳи артиш, ҳамзамон миқдори зиёди мушакҳои баллистикии ҳавоии неруҳои Сипоҳи посдорон ба сӯи минтақаҳои ҳассоси шаҳрҳои Исроил партоб шуданд. Ӯ афзуд, ки берсарнишин ва мушакҳо бо муфаққаият ба ҳадафҳои мавриди назар бархӯрд намуданд.

Тибқи иттилоъ, дар ин амалиёт Неруҳои мусаллаҳи артиши Эрон аз бесарнишини “Ораш”, ки бурди 2000 километрро дорад, истифода кардаанд. Ин бесарнишин дорои қудрати бузурги харобкорӣ буда, бо сарҷангии бисёр қавӣ қобилияти мавриди ҳамла қарор додани иншооти стратегиро дорад.

Қабл аз ҳамлаи Исроил артиши Ҷумҳурии Исломии Эрон дар машқҳои низомӣ ҳамла бо воситаи бесарнишини “Ораш” ба киштиҳои Исроилро тамрин карда буд.

Мақомоти низомии Эрон гуфтаанд, ки тайи як рӯзи ахир аз силоҳҳои нави сохти Эрон дар ҳамла ба Исроил истифода кардаанд.

Дар як шаби гузашта Эрон бо чанд мавҷи ҳамлаи мушакӣ ба Исроил ҳамла кард. Тибқи иттилои расонаҳо дар ҳамлаҳои Эрон муассисаҳои стратегии Исроил, аз ҷумла биноҳои низомӣ, неругоҳҳои барқӣ ва полишгоҳи нафт осеби ҷиддӣ дидаанд. Мақомоти низомии Эрон гуфтаанд, ки бар ивази ҳар як ҳамлаи Исроил як минтақаи стратегии ин кишварро мавриди ҳамла қарор хоҳанд дод.

Dialog.tj