Ҳабиб Нурмагамедов, собиқ чемпиони UFC дар вазни сабук дар мусоҳибаи охираш бо ташкилоти мазкур гуфт, ки ният дорад ба наздикӣ аз варзиш биравад ва дигар фаъолияти мураббигӣ накунад.

“Ман фикр мекунам, ки 7-8 сол шуд тими мо дар сатҳи баланди варзишӣ қарор дорад. Варзишгарони мо дар ташкилотҳои гуногуни Ҷопон, Шарқи Наздик, Аврупо ва Амрико дар сатҳи баланд меҷанганд ва камарбанди чемпионии хеле зиёд дорем. Бо ин бачаҳое, ки ҳоло тамрин медиҳам, солҳои зиёд аст, ки кор мекунам ва ба хулосае омадам, агар ҳаминҳо корномаашонро ба охир расонанд, ман ҳам аз варзиш меравам”, - гуфтааст Нурмагомедов.

Тавре маълум мегардад, санаи дақиқи қатъи фаъолияти мураббигии Нурмагамедов гуфта намешавад.

Ҳамчунин, набояд фаромӯш кард, яке аз варзишгароне, ки Ҳабиб Нурмагомедов тамрин медиҳад Ислом Махачев мебошад. Номбурда камарбанди чемпиониро дар вазни сабук чор маротиба ҳимоя карда, онро озод намуд ва интизор меравад, ки барои камарбанди чемпионӣ дар вазни ниммиёна рақобат кунад.

Размкори муҳорибаҳои омехта Ҳабиб Нурмагамедов дар ММА ҳамчун варзишгари бебохт корномаашро бо ҳисоби 29:0 ба анҷом расонд ва аз соли 2021 инҷониб ба фаъолияти мураббигӣ машғул аст.

Dialog.tj