Масъуд Пизишкиён, президенти Ҷумҳурии Исломии Эрон дар вокуниш ба ҳамлаи Исроил ба шаҳри Теҳрон ва дигар шаҳрҳои Эрон гуфт, ки посухи қонунӣ ва неруманд ба ин ҷинояти ваҳшиёна душманро пушаймон хоҳад кард ва афзуд, “миллати Эрон ва масъулони кишвар дар баробари ин ҷиноят сукут нахоҳанд кард”.

Президенти Эрон гуфт, ки ҳамлаи ваҳшиёнаи режими Исроил бар хилофи тамоми муоҳидаҳои байналмилалӣ сурат гирифта, нишонаи таҷовуз ва ишғолгарии режими Исроил аст.

“Посухи қонунӣ ва неруманд ба ин иқдоми аҳмақона душманро сахт пушаймон хоҳад кард. Имрӯз беш аз ҳар замоне миллат ба ваҳдату иттиҳоду эътимод ба якдигар ниёз дорад ва бо ёрии Худо ба ин ҷиноят ҷавоби сангин ва хирадмандона хоҳем дод” – таъкид кард Масъуд Пизишкиён.

Ӯ афзуд, ки Ҷумҳурии Исломии Эрон ҳамеша ҷонибдори сулҳу субот дар ҷаҳон ва минтақа буда ва омодагии комили худро барои музокирот нишон додааст, вале дар баробари таҷовуз ва дифоъ аз тамомияти арзии худ ба таври қатъӣ амал хоҳад кард.

Президенти Эрон аз мардумаш хост, ки бо ҳифзи иттиҳод ва эътимод ба масъулон ба ҷангҳои равонии душман таваҷҷуҳ накунанд.

“Мо ин итминонро медиҳем, ки давлат тамоми тавон ва имконоти худро барои хизмат ба миллат сафарбар карда, иҷозаи халал дар ҳаёти умумиро нахоҳад дод”- гуфт Масъуд Пизишкиён.

Dialog.tj